തിരുവനന്തപുരം: ഉള്ളടക്കഭാരവും സമ്മര്‍ദവും ലഘൂകരിക്കുന്നതിനായി ഇത്തവണത്തെ എസ്.എസ്.എല്‍.സി പരീക്ഷയിലെ സാമൂഹ്യശാസ്ത്ര ചോദ്യപേപ്പറില്‍ പുത്തന്‍ ക്രമീകരണങ്ങള്‍. 40 വീതം സ്‌കോറുകളുള്ള എ, ബി എന്നിങ്ങനെ ഭാഗങ്ങളായാണ് സാമൂഹ്യശാസ്ത്ര പരീക്ഷാ ചോദ്യപേപ്പറിനെ വിഭജിച്ചിരിക്കുന്നത്. എ വിഭാഗത്തിലെ എല്ലാ ചോദ്യങ്ങള്‍ക്കും നിര്‍ബന്ധമായും ഉത്തരമെഴുതണം. ബി വിഭാഗത്തിലുളള ചോദ്യങ്ങളില്‍നിന്ന് നിശ്ചിതഎണ്ണം തിരഞ്ഞെടുത്ത് ഉത്തരം എഴുതുന്നതിന് അവസരം ലഭിക്കും.
സാമൂഹ്യശാസ്ത്രത്തിന് രണ്ട് പാഠപുസ്തകങ്ങളാണ് നിര്‍ദേശിച്ചിരിക്കുന്നത്. ഇവയില്‍നിന്നു തിരഞ്ഞെടുത്ത ഒന്‍പത് അധ്യായങ്ങളാണ് എ വിഭാഗത്തില്‍ ഉള്‍പ്പെടുത്തിയിരിക്കുന്നത്. ശേഷിക്കുന്ന പന്ത്രണ്ട് അധ്യായങ്ങളെ രണ്ടിന്റെ ക്ലസ്റ്ററുകളായി തിരിച്ച് ബി വിഭാഗത്തില്‍ ഉള്‍പ്പെടുത്തിയിരിക്കുന്നു. ഈ ക്ലസ്റ്ററുകളില്‍നിന്ന് കുട്ടികള്‍ക്ക് ഒന്നുവീതം തിരഞ്ഞെടുത്ത് പൊതുപരീക്ഷയ്ക്കു വേണ്ടി പഠിക്കാന്‍ അവസരം ലഭിക്കും.
ഇതിലൂടെ പഠനത്തിനായി നിര്‍ദേശിച്ചിരിക്കുന്ന പാഠഭാഗങ്ങളില്‍ നിന്ന് ആറ് അധ്യായങ്ങള്‍ ഒഴിവാക്കി പരീക്ഷാ തയാറെടുപ്പ് നടത്തുവാന്‍ കുട്ടികള്‍ക്ക് കഴിയും. വിശദാംശങ്ങളും മാതൃകാചോദ്യപേപ്പറും എസ്.സി.ഇ.ആര്‍.ടി വെബ്‌സൈറ്റില്‍ (ംംം.രെലൃസേലൃമഹമ.ഴീ്.ശി) ലഭിക്കും.