കല്‍പ്പറ്റ: അംഗന്‍വാടി കെട്ടിടം പൊളിഞ്ഞു വീണ് കുട്ടികള്‍ക്ക് പരുക്കേറ്റു. തരിയോട് പഞ്ചായത്ത് നാലാം വാര്‍ഡില്‍ വാടകക്കെട്ടിടത്തില്‍ പ്രവര്‍ത്തിച്ചു വരുന്ന 78ാം നമ്പര്‍ അംഗന്‍വാടിയാണ് പൊളിഞ്ഞു വീണത്. സൗകര്യ പ്രദമല്ലാത്തതും അപകട സാധ്യതയുള്ളതുമായ കെട്ടിടത്തില്‍ നിന്നു മാറ്റണമെന്ന് നേരത്തെ സിഡബ്ല്യുസി ഉത്തരവിട്ടിരുന്നു. തുടര്‍പ്രവര്‍ത്തനങ്ങള്‍ നടന്നു വരുന്നതിനിടയിലാണ് സംഭവം.