കോഡൂര്‍: ഗ്രാമപഞ്ചായത്തിലെ മുഴുവന്‍ സര്‍ക്കാര്‍ സ്‌കൂളൂകളിലും എന്‍.എസ്.എസ് ലൈബ്രറി സ്ഥാപിച്ചു. ചെമ്മങ്കടവ് പി.എം.എസ്.എ.എം.എ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റാണ് 'അക്ഷരദീപം' പദ്ധതിയിലൂടെ ലൈബ്രറികള്‍ സ്ഥാപിച്ചത്. പദ്ധതിപ്രകാരം കോഡൂരിലെ മുഴുവന്‍ സര്‍ക്കാര്‍ സ്‌കൂളൂകളിലേക്കും ലൈബ്രറിക്കുള്ള അലമാരയും പുസ്തകങ്ങളും എന്‍.എസ്.എസ് യൂനിറ്റ് സമാഹരിച്ചു നല്‍കി.
കോഡൂരിനെ സമ്പൂര്‍ണ എന്‍.എസ്.എസ് ലൈബ്രറി പഞ്ചായത്തായി ഇ.ടി മുഹമ്മദ് ബഷീര്‍ എം.പി പ്രഖ്യാപിച്ചു. ചടങ്ങില്‍ പി.ടി.എ പ്രസിഡന്റ് എന്‍ കുഞ്ഞീതു അധ്യക്ഷനായി. ആബിദ് ഹുസൈന്‍ തങ്ങള്‍ എം.എല്‍.എ, ഗ്രാമപ്പഞ്ചായത്ത് പ്രസിഡന്റ് സി.പി ഷാജി, അംഗങ്ങളായ കെ.എം സുബൈര്‍, കെ ഷീന, മച്ചിങ്ങല്‍ മുഹമ്മദ്, ഫൈസല്‍ പൂവല്ലൂര്‍, ഹയര്‍സെക്കന്‍ഡറി പ്രിന്‍സിപ്പല്‍ കെ.ജി പ്രസാദ്, എന്‍.എസ്.എസ് പ്രോഗ്രാം ഓഫിസര്‍ എന്‍.കെ ഹഫ്‌സല്‍ റഹ്മാന്‍, ഹൈസ്‌കൂള്‍ പ്രഥമാധ്യാപകന്‍ പി മുഹമ്മദ് അബ്ദുല്‍ നാസര്‍ തുടങ്ങിയവര്‍ സംസാരിച്ചു.