എടവണ്ണപ്പാറ: കൊണ്ടോട്ടി മണ്ഡലത്തിലെ മുഴുവന്‍ സ്‌കൂളുകളെയും ഹൈടെക് സ്‌കൂളാക്കി ഉയര്‍ത്തുമെന്ന് ടി.വി ഇബ്‌റാഹീം എം.എല്‍.എ. വാഴക്കാട് ഗവ. ഹയര്‍സെക്കന്‍ഡറി സ്‌കൂളില്‍ നടന്ന സമഗ്രവിദ്യാലയ വികസന പദ്ധതി ആസൂത്രണ ശില്‍പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വാഴക്കാട് ഗവ. ഹയര്‍സെക്കന്‍ഡറി സ്‌കൂളിനെ ഹൈടെക് സ്‌കൂളാക്കി ഉയര്‍ത്തുന്നതിന് ഈ വര്‍ഷം ഒന്നരകോടിയും അടുത്ത വര്‍ഷം ഒരു കോടി രൂപയും നല്‍കും.
സ്‌കൂള്‍ ഓഡിറ്റോറിയത്തിന് ജില്ലാ പഞ്ചായത്തില്‍ നിന്ന് ഫണ്ട് അനുവദിക്കുമെന്ന് ജില്ലാ പഞ്ചായത്തംഗം പി.ആര്‍ രോഹില്‍നാഥും പറഞ്ഞു. ഹയര്‍സെക്കന്‍ഡറി പ്രിന്‍സിപ്പല്‍ പി.സി സുനിത, പി.ടി.എ പ്രസിഡന്റ് റഫീഖ് അഫ്‌സല്‍, ടി പ്രഭാകരന്‍, ഗ്രാമപ്പഞ്ചായത്ത് പ്രസിഡന്റ് എം ഹാജറ, ബ്ലോക്ക്് പഞ്ചായത്തംഗം ഷറഫുന്നീസ, മുജീബ്‌മോട്ടമ്മല്‍ സംസാരിച്ചു.
ജനപ്രതിനിധികളും അധ്യാപക-രക്ഷാകര്‍തൃസമിതി കൂട്ടായ്മയിലൂടെ അടിസ്ഥാന സൗകര്യങ്ങള്‍ മെച്ചപ്പെടുത്താന്‍ മാസ്റ്റര്‍ പ്ലാന്‍ തയാറാക്കി.