തിരൂരങ്ങാടി: ചെമ്മാട് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി ഡിപ്പാര്‍ട്ട്‌മെന്റ് ഓഫ് ഖുര്‍ആന്‍ ആന്‍ഡ് റിലേറ്റഡ് സയന്‍സസ് സംഘടിപ്പിക്കുന്ന രണ്ടാമത് അന്താരാഷ്ട്ര ഖുര്‍ആന്‍ കോണ്‍ഫറന്‍സിന് ദാറുല്‍ഹുദാ വാഴ്‌സിറ്റി കാംപസില്‍ ഇന്ന് ആരംഭിക്കും.
രാവിലെ 9:30ന് നടക്കുന്ന  ഉദ്ഘാടന സെഷന്‍ മലേഷ്യന്‍ ഇന്റര്‍നാഷണല്‍ ഇസ്‌ലാമിക് യൂനിവേഴ്‌സിറ്റി ഖുര്‍ആന്‍ ഡിപ്പാര്‍ട്ട്‌മെന്റ് തലവന്‍ പ്രൊഫ.ഡോ.ഇസ്‌റാര്‍ അഹ്മദ് ഖാന്‍ ഉദ്ഘാടനം ചെയ്യും. പാണക്കാട് സയ്യിദ് മുനവ്വറലി ശിഹാബ് തങ്ങള്‍ മുഖ്യാതിഥിയാവും. കോഴിക്കോട് ഖാസി സയ്യിദ് മുഹമ്മദ് ജമലുല്ലൈലി പ്രാരംഭ പ്രാര്‍ഥനക്ക് നേതൃത്വം നല്‍കും. ദാറുല്‍ഹുദാ  വൈസ് ചാന്‍സിലര്‍ ഡോ.ബഹാഉദ്ധീന്‍ മുഹമ്മദ് നദ്‌വി, ഡോ.അബുത്വബ്‌രി അഹ്മദ് സഈദ്, ഡോ.യു.വി.കെ മുഹമ്മദ്, സൈതലവി ഹാജി, യു. ശാഫി ഹാജി, കെ.സി മുഹമ്മദ് ബാഖവി, ഇസ്ഹാഖ് ബാഖവി, എ.പി മുസ്തഫ ഹുദവി അരൂര്‍, എം.കെ ജാബിറലി ഹുദവി, സി.എച്ച് ശരീഫ് ഹുദവി സംസാരിക്കും.
സ്‌പോട്ട്
രജിസ്‌ട്രേഷന്‍
കോണ്‍ഫറന്‍സില്‍ പങ്കെടുക്കാന്‍ ഓണ്‍ലൈനില്‍ രജിസ്റ്റര്‍ ചെയ്യാത്തവര്‍ക്കായി രാവിലെ 8.30 മുതല്‍ 10. 30 വരെ സ്‌പോട്ട് രജിസ്‌ട്രേഷന്‍ സൗകര്യമുണ്ടായിരിക്കും.