കാസര്‍കോട്: ഹരിതകേരള പദ്ധതിയുടെ ഭാഗമായി ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തിലുളള ഹരിത എക്‌സ്പ്രസ് കലാസാംസ്‌കാരിക വാഹനപ്രയാണം ഇന്നും നാളെയും ജില്ലയില്‍ പര്യടനം നടത്തും. വിവിധ കേന്ദ്രങ്ങളില്‍ ഹരിതബോധവല്‍ക്കരണ കലാപരിപാടികളും ജില്ലയില്‍ നടപ്പാക്കിയ ഹരിതകേരളം പരിപാടികളുടെ ഫോട്ടോ പ്രദര്‍ശനവും ഇതോടൊപ്പം നടക്കും. ഇന്നു രാവിലെ 10.30നു ജില്ലാഅതിര്‍ത്തിയായ കാലിക്കടവില്‍ ഹരിത എക്‌സ്പ്രസ് കലാസംഘാംഗങ്ങള്‍ക്കു സ്വീകരണം നല്‍കും. നാളെ രാവിലെ 10.30ന് ഉപ്പളയില്‍ നടക്കുന്ന സ്വീകരണ പരിപാടി പി.ബി അബ്ദുള്‍ റസാഖ് എം.എല്‍.എ ഉദ്ഘാടനം ചെയ്യും.