അമ്പലത്തറ: മടിക്കൈ, കോടോംബേളൂര്‍ പഞ്ചായത്തുകളില്‍ രണ്ടിടങ്ങളിലായി തീപിടിത്തം. ഇന്നലെ പറക്കളായി എന്‍.എം.ഐ.ടി കോളജ് പരിസരം, ഏച്ചിക്കാനം, മഞ്ഞംപൊതിക്കുന്ന് എന്നിവിടങ്ങളിലാണു തീപിടുത്തമുണ്ടായത്.
പറക്കളായിയില്‍ 20 ഏക്കറോളം സ്ഥലമാണ് അഗ്‌നിക്കിരയായത്. കാഞ്ഞങ്ങാടു നിന്നെത്തിയ അഗ്നിശമനാസേന രണ്ടിടങ്ങളിലേയും തീയണച്ചെങ്കിലും മഞ്ഞംപൊതിക്കുന്നില്‍ വൈകുന്നേരത്തോടെ വീണ്ടും തീപടര്‍ന്നതു നാട്ടുകാരുടെ ഇടയില്‍ ആശങ്ക പരത്തി.