ന്യൂഡല്‍ഹി: ഷീനബോറ കൊലക്കേസില്‍ ഇന്ദ്രാണിക്കും പീറ്റര്‍ മുഖര്‍ജിക്കുമെതിരെ പ്രത്യേക സിബിഐ കോടതി കൊലക്കുറ്റം ചുമത്തി.ഏറെ വിവാദമായ കേസിന്റെ വിചാരണ ഫെബ്രുവരി ഒന്നിന് ആരംഭിക്കും.

ഇവക്കുപുറമെ ക്രിമിനല്‍ ഗൂഢാലോചന, തട്ടിക്കൊണ്ടുപോകല്‍, തെളിവ് നശിപ്പിക്കല്‍, തെറ്റായ വിവരം നല്‍കല്‍ തുടങ്ങിയ കുറ്റങ്ങളും ചുമത്തിയിട്ടുണ്ട്. ഇന്ദ്രാണി മുഖര്‍ജിയുടെ മുന്‍ ഭര്‍്ത്താവ് സഞ്ജീവ് ഖന്നയും കേസിലെ പ്രതിയാണ്.

ഇന്ദ്രാണി മുഖര്‍ജിയുടെ മകളായിരുന്നു കൊല്ലപ്പെട്ട ഷീന ബോറ(24). 2012 ഏപ്രിലിലായിരുന്നു ഷീന കൊല്ലപ്പെട്ടത്. കൊലപ്പെടുത്തിയ ശേഷം മൃതദേഹം അഗ്‌നിക്കിരയാക്കി. കത്തിക്കരിഞ്ഞ മൃതദേഹം കാട്ടില്‍ ഉപേക്ഷിക്കുകയായിരുന്നു. 2015 ഓഗസ്റ്റിലാണ് മൃതദേഹാവശിഷ്ടങ്ങള്‍ കണ്ടെത്തിയത്. മുംബൈ പൊലിസ് നടത്തിയ അന്വേഷണം പിന്നീട് സി.ബി.ഐക്കു കൈമാറുകയായിരുന്നു. കേസില്‍ പ്രതിയെന്ന് കണ്ടെത്തിയതോടെ ഇന്ദ്രാണിയെ സി.ബി.ഐ അറസ്റ്റ് ചെയ്തു.