തലശേരി: ബ്രണ്ണന്‍ കോളജ് ഹോസ്റ്റലിനു സമീപം വിനോദയാത്രയ്ക്കു പോയി മടങ്ങിവന്ന വിദ്യാര്‍ഥികളെ അക്രമിച്ചതായി പരാതി. ഇവരുടെ കൂടെ ഗൈഡായി പോയ മുന്‍ എസ്.എഫ്.ഐ നേതാവിനു വെട്ടേറ്റു. ഇന്നലെ പുലര്‍ച്ചെ രണ്ടു മണിയോടെയാണ് സംഭവം.
കോളജിലെ മൂന്നാംവര്‍ഷ വിദ്യാര്‍ഥികള്‍ ഇടുക്കിയിലേക്ക് വിനോദയാത്രയ്ക്കായി പോയിരുന്നു. ഇന്നലെ പുലര്‍ച്ചെയാണ് ഇവര്‍ കോളജില്‍ മടങ്ങിയെത്തിയത്. ഹോസ്റ്റലിനു സമീപം ബസിറങ്ങുമ്പോള്‍ ഇരുപതോളം ആര്‍.എസ്.എസ് പ്രവര്‍ത്തകര്‍ സംഘം ചേര്‍ന്നു മര്‍ദിക്കുകയും വെട്ടിപരുക്കേല്‍പ്പിക്കുകയും ചെയ്തുവെന്നാണ് പരാതി. കോളജിലെ പൂര്‍വ വിദ്യാര്‍ഥിയും എസ്.എഫ്.ഐ നേതാവുമായ ചിറക്കുനിയിെ അരില്‍ രവീന്ദ്രനാ(26)ണ് വെട്ടേറ്റത്. ഇയാളോടൊപ്പം വിനോദയാത്രാസംഘത്തിലുണ്ടായിരുന്ന വിദ്യാര്‍ഥികളായ വടകര സ്വദേശി അഭിരാജ്, ചൊക്ലി സ്വദേശി അശ്വിന്‍ എന്നിവര്‍ക്കും മര്‍ദനമേറ്റു. ഇവരെ തലശേരി സഹകരണാശുപത്രിയില്‍ പ്രവേശിപ്പിച്ചു. കഴുത്തിനും കാലിനും വെട്ടേറ്റ അരിലിനെ അടിയന്തിര ശസ്ത്രക്രിയക്ക് വിധേയനാക്കി.