തിരൂര്‍: രണ്ടര കിലോ കഞ്ചാവുമായി യുവാവ് എക്‌സൈസിന്റെ പിടിയിലായി. പുറത്തൂര്‍ കക്കിടി വീട്ടില്‍ മുഹമ്മദ് യാസിര്‍ (27) ആണ് അറസ്റ്റിലായത്.
ജില്ലയിലെ കഞ്ചാവ് വിതരണ സംഘത്തിലെ അംഗമായ മുഹമ്മദ് യാസിര്‍ കഞ്ചാവ് വിതരണത്തിനായി ബൈക്കില്‍ പോകുന്നതിനിടെയാണ് എക്‌സൈസിന്റെ പിടിയിലായത്. ചമ്രവട്ടം കടവിന് സമീപത്തു നിന്നാണ് ഇയാളെ എക്‌സൈസ് സംഘം പിടികൂടിയത്. സംശയം തോന്നി ബൈക്ക് പരിശോധിച്ചപ്പോഴാണ് ഒളിപ്പിച്ച നിലയില്‍ രണ്ടരക്കിലോ കഞ്ചാവ് കണ്ടെടുത്തത്. മാര്‍ക്കറ്റില്‍ വലിയവില വരുന്ന കഞ്ചാവാണ് പിടികൂടിയതെന്ന് എക്‌സൈസ് ഇന്‍സ്‌പെക്ടര്‍ പി.കെ സതീഷ് പറഞ്ഞു. പ്രതിയെ തിരൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.