HOME
DETAILS

മഴ; പൈനാപ്പിള്‍ കര്‍ഷകരുടെ സ്വപ്നങ്ങളില്‍ കരിനിഴല്‍

  
backup
May 27 2016 | 20:05 PM

%e0%b4%ae%e0%b4%b4-%e0%b4%aa%e0%b5%88%e0%b4%a8%e0%b4%be%e0%b4%aa%e0%b5%8d%e0%b4%aa%e0%b4%bf%e0%b4%b3%e0%b5%8d%e2%80%8d-%e0%b4%95%e0%b4%b0%e0%b5%8d%e2%80%8d%e0%b4%b7%e0%b4%95%e0%b4%b0%e0%b5%81

ബാസിത് ഹസന്‍

തൊടുപുഴ: പ്രധാന ഉല്‍പാദന കേന്ദ്രങ്ങളില്‍ ഒരാഴ്ചയായി തിമിര്‍ത്തുപെയ്യുന്ന മഴമൂലം പൈനാപ്പിള്‍ കര്‍ഷകര്‍ പ്രതിസന്ധിയില്‍. പൈനാപ്പിള്‍ വെട്ടിയെടുക്കുന്നതിനോ കയറ്റുന്നതിനോ കഴിയാതെ കര്‍ഷകര്‍ ബുദ്ധിമുട്ടുകയാണ്. മഴ തുടങ്ങിയതോടെ വിലയിടിഞ്ഞതും കര്‍ഷകരുടെ സ്വപ്നങ്ങളില്‍ കരിനിഴല്‍ വീഴ്ത്തുന്നു. 42 രൂപയോളം ലഭിച്ചിരുന്ന പൈനാപ്പിള്‍ വില മഴ തുടങ്ങിയതോടെ 27 രൂപയിലെത്തി. മാമ്പഴത്തിന്റെ സീസണായതോടെ പൈനാപ്പിളിനു ഡിമാന്റ് കുറഞ്ഞതും വിലയിടിവിനു കാരണമായിട്ടുണ്ട്. റമദാന്‍ സീസണിലാണ് പൈനാപ്പിളിന് ഡിമാന്‍ഡ് കൂടുതല്‍. ഈ സീസണ്‍ ആരംഭിക്കാന്‍ ഇനി 12 ദിവസം മാത്രമാണ് അവശേഷിക്കുന്നത്. അതിനാല്‍ ഇക്കാലത്ത് പൈനാപ്പിള്‍ വിളവെടുക്കാന്‍ കര്‍ഷകര്‍ കൂടുതല്‍ സ്ഥലത്ത് കൃഷി ചെയ്തിരുന്നു. വില വര്‍ധിക്കുമെന്ന കണക്കുകൂട്ടലില്‍ പല തോട്ടങ്ങളിലും വിളവെടുപ്പ് നടത്താതിരിക്കുകയാണ് .
ദിനംപ്രതി ഉല്‍പ്പാദനച്ചെലവ് വര്‍ധിച്ചുവരുന്നതിനിടെയാണു വിലയിടിവുണ്ടായിരിക്കുന്നത്. ഉല്‍പ്പാദനച്ചെലവിനു ആനുപാതികമായി വില ലഭിക്കാതായതോടെ നിരവധി കര്‍ഷകര്‍ കൃഷിയില്‍നിന്നും പിന്‍മാറുന്ന സ്ഥിതിയാണുള്ളത്. തൊഴിലാളികളുടെ ദൗര്‍ലഭ്യം പൈനാപ്പിള്‍ കൃഷിയെ കാര്യമായി ബാധിച്ചിട്ടുണ്ട്്. പുരുഷ തൊഴിലാളികള്‍ക്കു 700 രൂപയാണ് മിനിമം കൂലി. സ്ത്രീകള്‍ക്ക് 600 രൂപ നല്‍കണം. തൊഴിലാളികള്‍ക്കു ക്ഷാമം നേരിടുന്നതുമൂലം അന്യസംസ്ഥാന തൊഴിലാളികളെയാണ് പലരും ആശ്രയിക്കുന്നത്. വളത്തിനു വില വര്‍ധിച്ചതും കര്‍ഷകര്‍ക്കു തിരിച്ചടിയായിട്ടുണ്ട്്.
നേരത്തെ കോഴിവളം ചെറുകിട കര്‍ഷകര്‍ പൈനാപ്പിള്‍ കൃഷിക്ക് ഉപയോഗിച്ചിരുന്നെങ്കിലും രോഗബാധ ഭയന്നു ഇതു ഉപേക്ഷിച്ചു. എന്‍ഡോസള്‍ഫാന്‍ നിരോധിച്ചതിനൊപ്പം പൈനാപ്പിള്‍കൃഷിക്കു ഉപയോഗിക്കുന്ന കളനാശിനികള്‍ക്കും നിരോധനം വന്നു. വിളവെടുപ്പു പൂര്‍ത്തിയാക്കിയശേഷം പൈനാപ്പിള്‍ തൈകള്‍ നശിപ്പിച്ചുകളയുന്നതിനു ഇത്തരം കീടനാശിനികള്‍ ഉപയോഗിച്ചിരുന്നു.
എന്നാല്‍, കീടനാശിനി നിരോധനത്തോടെ ഇത് നശിപ്പിക്കുന്നതിനു കഴിയാത്ത സ്ഥിതിയാണ്. രാജ്യത്തെ പ്രധാന സംസ്ഥാനങ്ങളിലെല്ലാം പൈനാപ്പിള്‍ കൃഷി വ്യാപകമായതും മറ്റു സംസ്ഥാനങ്ങളില്‍ കേരളത്തില്‍നിന്നുള്ള പൈനാപ്പിളിന്റെ ഡിമാന്റ് കുറയാന്‍ ഇടയാക്കി.
മുംബൈ, ചെന്നൈ, ബംഗളൂരു, ഗോവ, അഹമ്മദാബാദ്, പൂനെ, ഡല്‍ഹി തുടങ്ങിയ മാര്‍ക്കറ്റുകളിലേക്കായിരുന്നു ഇവിടെനിന്നുള്ള പൈനാപ്പിള്‍ കൂടുതലായി കയറ്റിഅയച്ചിരുന്നത്. ഈ മാര്‍ക്കറ്റുകളിലും പൈനാപ്പിളിനു വില ഇടിഞ്ഞിരിക്കുകയാണ്. ആദായകരമായ കൃഷി എന്ന നിലയ്ക്കാണ് പൈനാപ്പിള്‍ കൃഷി കര്‍ഷകര്‍ ആരംഭിച്ചത്. പൈനാപ്പിള്‍ കര്‍ഷകരെ സഹായിക്കുന്നതിനു നടപടി സ്വീകരിച്ചില്ലെങ്കില്‍ നൂറുകണക്കിനു കര്‍ഷകരുടെ ജീവിതം ദുരിതമായിത്തീരും. സംസ്ഥാനത്തെ ഏറ്റവും വലിയ പൈനാപ്പിള്‍ മാര്‍ക്കറ്റാണ് എറണാകുളം ജില്ലയിലെ വാഴക്കുളം. കൃഷിക്കാര്‍ തന്നെയാണ് ഇവിടുത്തെ കച്ചവടക്കാരും എന്നതാണ് പ്രത്യേകത. പൈനാപ്പിള്‍ വിലയിടിവുമൂലം ദുരിതത്തിലായ കര്‍ഷകര്‍ക്ക് അടിയന്തര സഹായം അനുവദിക്കണമെന്ന ആവശ്യം ശക്തമായിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

കൊയിലാണ്ടിയിൽ ട്രെയിൻ തട്ടി ഒരാൾക്ക് ദാരുണാന്ത്യം; മരിച്ചയാളെ തിരിച്ചറിഞ്ഞില്ല

Kerala
  •  16 days ago
No Image

കറൻ്റ് അഫയേഴ്സ്-25-11-2024

PSC/UPSC
  •  16 days ago
No Image

ശാഹി മസ്ജിദ് വെടിവെപ്പ് ഭരണകൂട ഭീകരത - എസ്.കെ.എസ്.എസ്.എഫ്

organization
  •  16 days ago
No Image

കരുനാഗപ്പള്ളിയിൽ ഡിവൈഎഫ്ഐ പ്രവർത്തകർ തമ്മിലടി; സംഘർഷത്തിൽ മേഖലാ പ്രസിഡൻ്റിന് പരുക്ക്

Kerala
  •  16 days ago
No Image

ഐസിഎസ്ഇ, ഐഎസ്‌സി പരീക്ഷാ തീയതി പ്രഖ്യാപിച്ചു

latest
  •  16 days ago
No Image

13 വയസുകാരൻ വൈഭവിനെ സ്വന്തമാക്കി രാജസ്ഥാന്‍

Cricket
  •  16 days ago
No Image

പച്ചക്കറി വാങ്ങിയ പണം ചോദിച്ചതിന് വ്യാപാരിയെ കത്രിക കൊണ്ട് ആക്രമിച്ച മധ്യവയസ്കൻ പിടിയിൽ

Kerala
  •  16 days ago
No Image

കോൺഗ്രസ് നേതാവിൻ്റെ ഓട്ടോയിൽ നിന്ന് 81 ഗ്രാം എംഡിഎംഎ പൊലിസ് പിടികൂടി

Kerala
  •  16 days ago
No Image

ഹെൽത്ത് സെന്ററിലെ ക്യാൻ്റിനീൽ നിന്ന് വാങ്ങിയ ഭക്ഷണത്തിൽ അട്ടയെന്ന് പരാതി

Kerala
  •  16 days ago
No Image

കൊല്ലത്ത് കടന്നല്‍കുത്തേറ്റ് ഏഴോളം പേര്‍ക്ക് പരുക്ക്

Kerala
  •  16 days ago

No Image

24 പേരില്‍ നിന്ന് മൊഴിയെടുത്തു, ഫോറന്‍സിക് പരിശോധനാഫലം ലഭിച്ചിട്ടില്ല; കാഫിര്‍ സ്‌ക്രീന്‍ഷോട്ട് കേസില്‍ അന്വേഷണപുരോഗതി റിപ്പോര്‍ട്ട് സമര്‍പ്പിച്ചു

Kerala
  •  16 days ago
No Image

റോഡിന് കുറുകെ കെട്ടിയ കയര്‍ കഴുത്തില്‍ കുരുങ്ങി സ്‌കൂട്ടര്‍ യാത്രകന്‍ മരിച്ച സംഭവം; കരാറുകാരന്‍ അറസ്റ്റില്‍

Kerala
  •  16 days ago
No Image

'തിരിച്ചടി ഉടന്‍.. കരുതിയിരുന്നോ' ഇസ്‌റാഈലിന് ഇറാന്റെ മുന്നറിയിപ്പ്; 'മറുപടി' നല്‍കാന്‍ ഒരുങ്ങുന്നുവെന്ന് പരമോന്നത നേതാവിന്റെ ഉപദേഷ്ടാവ് 

International
  •  16 days ago
No Image

റോഡില്‍ നിര്‍മ്മാണ പ്രവൃത്തികള്‍ നടക്കുമ്പോള്‍ എമര്‍ജന്‍സി റിഫ്ലക്ടിവ് ട്രയാംഗിള്‍ ഉപയോഗിക്കണം; മുന്നറിയിപ്പുമായി എം.വി.ഡി

Kerala
  •  16 days ago