HOME
DETAILS

കൊതിയൂറും വിഭവങ്ങളുമായി ചക്കമഹോത്സവം

  
backup
May 27 2016 | 22:05 PM

%e0%b4%95%e0%b5%8a%e0%b4%a4%e0%b4%bf%e0%b4%af%e0%b5%82%e0%b4%b1%e0%b5%81%e0%b4%82-%e0%b4%b5%e0%b4%bf%e0%b4%ad%e0%b4%b5%e0%b4%99%e0%b5%8d%e0%b4%99%e0%b4%b3%e0%b5%81%e0%b4%ae%e0%b4%be%e0%b4%af%e0%b4%bf

കോഴിക്കോട്: ചക്ക ബിരിയാണി, ചക്കപ്പായസം, ചക്ക ചിക്കന്‍കറി, ചക്കഹല്‍വ തുടങ്ങിയ ചക്കകൊണ്ടുള്ള കൊതിയൂറും വിഭവങ്ങളുമായി കുടുംബശ്രീയുടെ ചക്കമഹോത്സവം തുടങ്ങി. ഡെപ്യൂട്ടി മേയര്‍ മീരാ ദര്‍ശക് ഉദ്ഘാടനം ചെയ്തു.
കോഴിക്കോട് കോര്‍പറേഷന്‍ സെന്‍ട്രല്‍ സി.ഡി.എസിലെ ഇരുപത് അംഗങ്ങളാണ് ചക്കമഹോത്സവത്തിനു പിന്നില്‍. ചക്കപ്പുഴുക്ക്, ചക്ക കട്‌ലറ്റ്, ചക്ക നിറച്ചത്, ചക്കപ്പുട്ട് തുടങ്ങിയ വിവിധയിനം വിഭവങ്ങള്‍ ഒരുക്കിയിട്ടുണ്ട്. സ്‌നാക്‌സുകള്‍ക്കെല്ലാം പത്തുരൂപയാണ് വില. ചക്ക ബിരിയാണിക്ക് 80 രൂപയും പുഴുക്കിന് 50 രൂപയും ചക്കപ്പായസത്തിന് 30 രൂപയുമാണ് വില. ഒരു പ്ലേറ്റ് ചക്ക പൊക്കുവടയ്ക്ക് 30 രൂപയും ചക്ക ചിക്കന്‍കറിക്ക് 50 രൂപയും വില വരും. ചക്ക ഹല്‍വയ്ക്കും ചക്ക സിപ്പപ്പിനുമാണ് ഏറ്റവും കൂടുതല്‍ ആവശ്യക്കാരുള്ളത്. പുതിയ സ്റ്റാന്‍ഡിനു സമീപത്തെ കുടുംബശ്രീ രുചിപ്പുരയില്‍ നടക്കുന്ന ചക്കമഹോത്സവം വൈകിട്ട് നാലു മുതല്‍ എട്ടു വരെയാണ്. ചക്ക വിഭവങ്ങളുണ്ടാക്കാന്‍ കുടുംബശ്രീ പ്രവര്‍ത്തകര്‍ക്ക് ട്രെയിനിങ്ങും നല്‍കുന്നുണ്ട്. വയനാട്ടില്‍ നിന്നെത്തിയ കെ.ജി ബാലന്റെ നേതൃത്വത്തിലാണ് ചക്ക വിഭവങ്ങളുണ്ടാക്കുന്നത്. ചക്കമഹോത്സവം 31 വരെ തുടരും.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."