തളിപ്പറമ്പ് : കിണര്‍ ശുചീകരണത്തിറങ്ങിയ രണ്ടു പേര്‍ കിണറ്റിലകപ്പെട്ടു. വെള്ളാവ് തട്ടുമ്മലെ എം.വി മാധവന്റെ കിണര്‍ ശുചീകരിക്കാനിറങ്ങിയ പുല്ലായിക്കൊടി ചന്ദ്രന്‍ (60), ഇദ്ദേഹത്തെ രക്ഷിക്കാനിറങ്ങിയ പി.വി ലക്ഷ്മണന്‍ (50) എന്നിവരാണ് കിണറ്റിലകപ്പെട്ടത്.
ആദ്യം കിണറ്റിലകപ്പെട്ട ചന്ദ്രനെ നാട്ടുകാര്‍ മുകളിലെത്തിച്ചപ്പോഴേക്കും ലക്ഷ്മണനും അവശനായി. വിവരമറിയിച്ചതിനെ തുടര്‍ന്നെത്തിയ ഫയര്‍ഫോഴ്‌സാണ് ലക്ഷ്മണനെ രക്ഷിച്ചത്. രണ്ടു പേരെയും തളിപ്പറമ്പിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും നില വഷളായതിനെ തുടര്‍ന്ന് ചന്ദ്രനെ മംഗലാപുരത്തേക്ക് മാറ്റി.