പെരുമ്പാവൂര്‍: ജിഷ വധത്തില്‍ പി.പി തങ്കച്ചന് അനുകൂലമായി മുന്‍ എം.എല്‍.എ സാജു പോളിന്റെ പ്രസ്താവ സി.പി.എമ്മില്‍ വീണ്ടും പൊട്ടിതെറിക്ക് കാരണമായി.
സംഭവത്തില്‍ ഇന്ന് ചേരുന്ന ഏരിയ കമ്മറ്റിയില്‍ നിര്‍ണ്ണായക തീരുമാനമുണ്ടാകും.ജിഷ വധത്തില്‍ യു.ഡി.എഫ് കണ്‍വീനര്‍ പി.പി തങ്കച്ചനെതിരെ ജോമോന്‍ പുത്തന്‍പുരയ്ക്കല്‍ നടത്തിയ ആരോപണങ്ങള്‍ നിഷേധിച്ച് സി.പി.എം നോതാവായ സാജു പോള്‍ രംഗത്ത് വന്നതാണ് വിവാദമായിരിക്കുന്നത്. തനിക്കെതിരെ നടത്തിയ ആരോപണങ്ങളില്‍ പ്രാദേശിക സി.പി.എമ്മിന് പങ്കുണ്ടെന്ന് പി.പി തങ്കച്ചന്‍ രംഗത്തെത്തിയിരുന്നു.
എന്നാല്‍ ഇതിനോട് പ്രതികരിക്കാന്‍ പ്രാദേശിക സി.പി.എം നേതൃത്വം തയ്യാറാകാതിരുന്ന സാഹചര്യത്തിലാണ് സാജു പോള്‍ പി.പി തങ്കച്ചന് അനുകൂലിച്ച് രംഗത്തെത്തിയത്.
കഴിഞ്ഞ കാലഘട്ടത്തില്‍ യു.ഡി.എഫ് കണ്‍വീനറും മുന്‍ എം.എല്‍.എ സാജു പോളും രണ്ട് പാര്‍ട്ടികളില്‍ ആയിരുന്നിട്ട് പോലും ചില കാര്യങ്ങളില്‍ രഹസ്യധാരണകളുണ്ടായിരുന്നുവെന്ന് ആരോപണങ്ങള്‍ നിലനില്‍ക്കെയാണ് ഇപ്പോഴത്തെ പ്രസ്താവന സി.പി.എമ്മില്‍ പൊട്ടിതെറിക്ക് ഇടവരുത്തിയിരിക്കുന്നത്.
കഴിഞ്ഞ രണ്ട് പ്രാവശ്യവും തെരഞ്ഞെടുപ്പില്‍ സാജു പോളിനെ സഹായിച്ചത് പി.പി തങ്കച്ചനാണെന്ന് കോണ്‍ഗ്രസ് അണികള്‍ പോലും ആരോപിച്ചിരുന്നു.
ഇപ്പോഴത്തെ പ്രസ്താവന ഇരുവരും തമ്മിലുള്ള രഹസ്യ ബന്ധമാണ് വെളിവാക്കുന്നതെന്നാണ് മനസിലാക്കാന്‍ സാധിക്കുന്നത്.