തിരൂരങ്ങാടി: സമസ്ത കേരള ജംഇയ്യത്തുല്‍ ഉലമയുടെ പ്രധാന ഘടകമായ ഫത്‌വാ കമ്മിറ്റിയുടെ മതവിധികളെ സമഗ്രമായി വിശകലനം ചെയ്യുന്ന 'സമസ്തയുടെ ഫത്‌വകള്‍: നേരിന്റെ ദിശാസൂചികള്‍' ഗ്രന്ഥത്തിന്റെ പ്രകാശനം നാളെ നടക്കും.
വൈകിട്ട് ദാറുല്‍ഹുദാ ഇസ്‌ലാമിക് സര്‍വകലാശാലയില്‍ നടക്കുന്ന സൈനുല്‍ ഉലമാ അനുസ്മരണ പ്രാര്‍ഥനാ സദസില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ പുസ്തകം പ്രകാശനം ചെയ്യും. സയ്യിദ് മുഹമ്മദ് മുഹ്‌സില്‍ ഹുദവി കുറുമ്പത്തൂര്‍ രചിച്ച ഗ്രന്ഥം പുറത്തിറക്കുന്നത് വാഴ്‌സിറ്റിയിലെ ഫിഖ്ഹ് ആന്‍ ഉസ്വൂലുല്‍ ഫിഖ്ഹ് ഡിപ്പാര്‍ട്ട്‌മെന്റാണ്.