തൃക്കരിപ്പൂര്‍:ശബരിമല ദര്‍ശനത്തിനു പോയ യുവാവിനെ കാണാതായെന്നു പരാതി. ഉദിനൂര്‍ കിനാത്തിലെ പി.പി. അനില്‍കുമാറിനെയാണ് (കുഞ്ഞനിയന്‍-45) സന്നിധാനത്ത് വച്ച് കാണാതായത്. ബന്ധുവിനൊപ്പം ഏഴിനു രാവിലെ വീട്ടില്‍ നിന്നു പുറപ്പെട്ട യുവാവിനെ എട്ടിന് പുലര്‍ച്ചെ രണ്ടിനു സന്നിധാനത്തുവെച്ചാണ് കാണായത്.കൂടെ ഉണ്ടായിരുന്ന ആള്‍ നെയ്യഭിഷേകത്തിനുള്ള ടിക്കറ്റെടുത്ത് മടങ്ങി വരുന്നതിനിടയിലാണ് കാണാതായത്. ബന്ധുക്കള്‍ സന്നിധാനത്തെത്തി തിരച്ചില്‍ നടത്തിയെങ്കിലും കണ്ടെത്താനായില്ല. ചന്തേര പൊലിസിലും സന്നിധാനത്തും പരാതി നല്‍കിയിട്ടുണ്ട്.