മലപ്പുറം: സുന്നി യുവജന സംഘം ജില്ലാ കമ്മിറ്റി സംഘടിപ്പിക്കുന്ന വെസ്റ്റ് ജില്ലാ ആമില അംഗങ്ങള്‍ക്കുള്ള 24 മണിക്കൂര്‍ പരിശീലന ക്യാംപിനു കാട്ടിലങ്ങാടി പി.എം.എസ്.എ പൂക്കോയ തങ്ങള്‍ യതീംഖാനയില്‍ തുടക്കമായി. എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സയ്യിദ് കെ.കെ.എസ് തങ്ങള്‍ വെട്ടിച്ചിറ പതാക ഉയര്‍ത്തി.
ഹസന്‍ സഖാഫി പൂക്കോട്ടൂര്‍ മജ്‌ലിസുന്നൂര്‍ ആത്മീയ സദസിന് നേതൃത്വം നല്‍കി. അമീര്‍ ഹംസ റഹ്മാനി കൊണ്ടിപ്പറമ്പ് ക്യാംപ് നിയന്ത്രിച്ചു. എം.പി മുഹമ്മദ് മുസ്‌ലിയാര്‍ വിഷയാവതരണം നടത്തി. ശാഫി മാസ്റ്റര്‍ ആലത്തിയൂര്‍, സി.കെ ഹിദായത്തുല്ലാഹ് സംസാരിച്ചു. ക്യാംപ് ഇന്നു നാലിനു സമാപിക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍, ടി.എച്ച് ദാരിമി, ജഅ്ഫര്‍ താനൂര്‍, സലീം എടക്കര, സി.എച്ച് ത്വയ്യിബ് ഫൈസി സംബന്ധിക്കും.