ഫറോക്ക്: ബസ് സ്റ്റാന്‍ഡിനു സമീപത്തെ സ്‌കൂള്‍ കോംപൗണ്ടിലെ പുല്‍ക്കാടിനു തീപിടിച്ചു. നഗരമധ്യത്തിലെ ഫറോക്ക് ഗവ. ഗണപത് വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ വളപ്പിലെ പുല്‍ക്കാടുകള്‍ക്കാണു തീപിടിച്ചത്.
ഇന്നലെ ഉച്ചയ്ക്ക് ഒന്നരയോടെയാണ് സംഭവം. കാറ്റില്‍ തീ ആളിപ്പടര്‍ന്നതോടെ വിദ്യാര്‍ഥികള്‍ പരിഭ്രാന്തരായി. വിവരമറിഞ്ഞു മീഞ്ചന്തയില്‍നിന്ന് സ്റ്റേഷന്‍ ഓഫിസര്‍ പനോത്ത് അജിത്ത് കുമാറിന്റെ നേതൃത്വത്തില്‍ ഫയര്‍ഫോഴ്‌സെത്തി തീ നിയന്ത്രണവിധേയമാക്കി.