തിരുവനന്തപുരം: പ്രവാസി പെന്‍ഷന്‍ തുക ഉയര്‍ത്തണമെന്നു കെ.എം.സി.സി സഊദി പ്രസിഡന്റ് കെ.പി മുഹമ്മദ്കുട്ടി. അഞ്ചുവര്‍ഷമെങ്കിലും ജോലിചെയ്തു തിരിച്ചെത്തുന്ന പ്രവാസിക്ക് പ്രായവ്യത്യാസമില്ലാതെ പെന്‍ഷന്‍ അനുവദിക്കണം. 2,000 രൂപ 5000 രൂപയായി വര്‍ധിപ്പിക്കണം. ഇതിനായി ക്ഷേമനിധി വ്യവസ്ഥകള്‍ ഉദാരമാക്കണം.
താല്‍പ്പര്യമുള്ളവര്‍ക്കായി പങ്കാളിത്തപെന്‍ഷനും ആലോചിക്കണം. നിക്ഷേപങ്ങള്‍ക്ക് ആകര്‍ഷണീയതയും സുരക്ഷിതത്വവും ഉറപ്പാക്കണം.
ഗള്‍ഫിലെ ഉയര്‍ന്ന വിദ്യാഭ്യാസ ലെവി കാരണം തിരിച്ചുപോരേണ്ടിവരുന്ന വിദ്യാര്‍ഥികള്‍ക്കു തുടര്‍വിദ്യാഭ്യാസത്തിനു പ്രത്യേകപരിഗണന നല്‍കുന്ന പദ്ധതി ആവിഷ്‌കരിക്കണമെന്നും അദ്ദേഹം ആവശ്യപ്പെട്ടു.