പാലക്കാട്: വോഡഫോണ്‍ സൂപ്പര്‍നെറ്റ് ഫോര്‍ജി സര്‍വീസുകള്‍ പാലക്കാട് അവതരിപ്പിച്ചു. കൊച്ചി, തിരുവനന്തപുരം, കോഴിക്കോട്, തൃശൂര്‍, മഞ്ചേരി, കോട്ടയം, ആലപ്പുഴ, കൊല്ലം, ചേര്‍ത്തല എന്നിവിടങ്ങളിലെ വിജയകരമായ തുടക്കത്തിനു ശേഷമാണ് വോഡഫോണ്‍ സൂപ്പര്‍നെറ്റ് ഫോര്‍ജി സര്‍വീസുകള്‍ പാലക്കാട് അവതരിപ്പിക്കുന്നത്.
ഏറ്റവും ഫലപ്രദമായ നെറ്റ്‌വര്‍ക്കിലൂടെ വോഡഫോണിന്റെ ഫോര്‍ജി ഉപഭോക്താക്കള്‍ക്ക് മൊബൈല്‍ വഴിയുള്ള ഇന്റര്‍നെറ്റ് അതിവേഗത്തില്‍ ഉപയോഗിക്കാനും മൊബൈല്‍ മൈ-ഫൈ ഉള്‍പ്പെടെയുള്ള സ്മാര്‍ട്ട് ഡിവൈസുകളില്‍ പ്രയോജനപ്പെടുത്താനും സാധിക്കും. 20 രാജ്യങ്ങളില്‍ ഫോര്‍ജി അവതരിപ്പിച്ച വോഡഫോണിന്റെ ആഗോള അനുഭവ സമ്പത്ത് ഈ സാങ്കേതിക വിദ്യയെക്കുറിച്ചു കൂടുതല്‍ മികച്ച രീതിയില്‍ മനസിലാക്കാനും ഫോര്‍ജി ഉപഭോക്താക്കളുടെ ആവശ്യങ്ങള്‍ മനസിലാക്കാനും സഹായിച്ചിട്ടുണ്ടെന്നും, പാലക്കാടുള്ള വോഡഫോണ്‍ ഉപഭോക്താക്കള്‍ക്ക് ഇന്നുമുതല്‍ വോഡഫോണ്‍ സൂപ്പര്‍നെറ്റ് ഫോര്‍ജി സേവനങ്ങള്‍ ആസ്വദിച്ചു തുടങ്ങാമെന്നും വോഡഫോണ്‍ ഇന്ത്യയുടെ കേരള ബിസിനസ് മേധാവി, അഭിജിത്ത് കിഷോര്‍ പറഞ്ഞു.