നേമം: 12 കാരിയെ പീഡിപ്പിച്ച കേസിലെ പ്രതിയെ നേമം പൊലിസ് കസ്റ്റഡിയില്‍. പ്രാവച്ചമ്പലം റേയില്‍വേ സ്റ്റേഷന്‍ റോഡില്‍ ചാനല്‍ക്കര വീട്ടില്‍ താമസിക്കുന്ന വിശാഖിനെയാണ് (23) കൂടുതല്‍ അന്വേഷണങ്ങള്‍ക്കായി നേമം പൊലിസ് കസ്റ്റഡിയില്‍ വാങ്ങിയത്. ആഴ്ചകള്‍ക്ക് മുന്‍പ് കുട്ടിയുടെ വീട്ടില്‍വച്ചാണ് പീഡനം നടന്നതെന്ന് കുട്ടിയുടെ ബന്ധുക്കള്‍ പൊലിസില്‍ നല്‍കിയ പരാതിയില്‍ പറയുന്നത്. കുട്ടിയെ ഇയാള്‍ മുന്‍പ് പല തവണ പീഡിപ്പിച്ചിട്ടുള്ളതായി സമീപവാസികള്‍ പറയുന്നു. കുട്ടി പീഡന വിവരം സ്‌കൂളില്‍ അറിയിച്ചതിനെ തുടര്‍ന്ന് സ്‌കൂള്‍ അധികൃതര്‍ വിവരം ചൈല്‍ഡ് ഹെല്‍പ്പ് ലൈന്‍ പ്രവര്‍ത്തകരെ അറിയിക്കുകയായിരുന്നു. സംഭവശേഷം ഒളിവില്‍ പോയ പ്രതി കഴിഞ്ഞദിവസം നേരിട്ട് വഞ്ചിയൂര്‍ കോടതിയില്‍ ഹാജരാകുകയായിരുന്നു. ഇദ്ദേഹം നിരവധികേസിലെ പ്രതിയാണെന്ന് നേമം പൊലിസ് പറഞ്ഞു.