HOME
DETAILS

ഒന്നരവര്‍ഷമായി അറിയാം; പണം വാഗ്ദാനം ചെയ്തിട്ടില്ല- ഉമറുല്‍ ഫാറൂഖ് തങ്ങള്‍

  
backup
January 15 2018 | 02:01 AM

%e0%b4%92%e0%b4%a8%e0%b5%8d%e0%b4%a8%e0%b4%b0%e0%b4%b5%e0%b4%b0%e0%b5%8d%e2%80%8d%e0%b4%b7%e0%b4%ae%e0%b4%be%e0%b4%af%e0%b4%bf-%e0%b4%85%e0%b4%b1%e0%b4%bf%e0%b4%af%e0%b4%be%e0%b4%82-%e0%b4%aa


കൊച്ചി: ചെമ്പരിക്ക ഖാസിയുടെ കൊലപാതകവുമായി ബന്ധപ്പെട്ട വിവരങ്ങള്‍ പുറത്തുപറയാതിരിക്കാന്‍ അശ്‌റഫിന് പണം വാഗ്ദാനം ചെയ്‌തെന്ന വാര്‍ത്ത ഉമറുല്‍ ഫാറൂഖ് തങ്ങള്‍ നിഷേധിച്ചു.
അശ്‌റഫിനെ ഒന്നര വര്‍ഷമായി അറിയാം. മഞ്ചേശ്വരത്ത് ഓമ്‌നി വാനില്‍ മരുന്നുവില്‍പന നടത്തവെയാണ് ഇയാളെ പരിചയപ്പെട്ടത്. പിന്നീട് ഇയാളില്‍ നിന്നാണ് പ്രമേഹത്തിനുള്ള മരുന്ന് സ്ഥിരമായി വാങ്ങിയിരുന്നത്. പി.ഡി.പി നേതാവ് കൂടിയായ താന്‍ ഖാസിയുടെ കൊലപാതകവുമായി ബന്ധപ്പെട്ട് പാര്‍ട്ടി നടത്തുന്ന പ്രതിഷേധ പരിപാടിയെപ്പറ്റി അശ്‌റഫിനോട് പറഞ്ഞപ്പോഴാണ് തനിക്ക് കുറച്ച് വിവരങ്ങള്‍ നല്‍കാനുണ്ടെന്ന് പറഞ്ഞത്. താന്‍ പറയുന്നത് ഫോണില്‍ റെക്കോര്‍ഡ് ചെയ്യാന്‍ അശ്‌റഫ് ആവശ്യപ്പെടുകയായിരുന്നു. എന്നാല്‍, തനിക്ക് റെക്കോര്‍ഡ് ചെയ്യാന്‍ അറിയില്ലെന്ന് പറഞ്ഞതിനെ തുടര്‍ന്ന് അശ്‌റഫ് തന്നെയാണ് വാട്‌സ്ആപ്പിലൂടെ ശബ്ദരേഖ നല്‍കിയത്.
തുടര്‍ന്ന് താന്‍ വെളിപ്പെടുത്തല്‍ മാധ്യമങ്ങള്‍ക്ക് നല്‍കുകയായിരുന്നു. തന്റെ വീട്ടില്‍ വരാന്‍ അശ്‌റഫിനോട് ആവശ്യപ്പെട്ടിരുന്നു. വീട്ടില്‍ നിന്ന് മറ്റുരണ്ടു പി.ഡി.പി പ്രവര്‍ത്തകര്‍ക്കൊപ്പം അശ്‌റഫിനെ പി.ഡി.പിയുടെ ഓഫിസിലേക്ക് കൂട്ടിക്കൊണ്ടുപോയിരുന്നു.
യാത്രയിലുടനീളം മൗലവിയുടെ കൊലപാതകത്തെപ്പറ്റി അറിയാവുന്ന കാര്യങ്ങള്‍ അശ്‌റഫ് സംസാരിച്ചു.
വാഹനത്തില്‍ നിന്ന് ഇറങ്ങിയതിനുശേഷം പള്ളിയില്‍ പോകുകയാണെന്നുപറഞ്ഞ് പോയ അശ്‌റഫിനെ പിന്നീട് കണ്ടിട്ടില്ലെന്നും ഉമറുല്‍ഫാറൂഖ് തങ്ങള്‍ പറഞ്ഞു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."