മനാമ: ബഹ്‌റൈനില്‍ പൊലിസുകാരനെ കൊന്നു ജയില്‍ ചാടിയ തടവുപുള്ളികള്‍ പൊലിസ് പിടിയിലായെന്നു സൂചന. വ്യാഴാഴ്ച പുലര്‍ച്ചെ കടല്‍മാര്‍ഗം ഇറാനിലേക്കു കടക്കാന്‍ ശ്രമിക്കവേയാണ് ഇവര്‍ പിടിയിലായത്.
സുരക്ഷാസേനകളുടെ സംയുക്ത ഓപറേഷനില്‍ ഇവരെ പിടികൂടുകയായിരുന്നു. വിശദാംശങ്ങള്‍ പിന്നീട് അറിയിക്കുമെന്ന് അധികൃതരുമായി ബന്ധപ്പെട്ട വൃത്തങ്ങള്‍ അറിയിച്ചു.
2017 ജനുവരി ഒന്നിന് ബഹ്‌റൈനിലെ ജാവു ജയിലില്‍നിന്നാണ് 10 തടവുപുള്ളികള്‍ ജയില്‍ ചാടി രക്ഷപ്പെട്ടത്. ഡ്യൂട്ടിയിലുണ്ടായിരുന്ന പൊലിസുകാരനെ വൈദ്യുതാഘാതമേല്‍പ്പിച്ചു കൊലപ്പെടുത്തിയ ശേഷം ആയുധങ്ങള്‍ കൈവശപ്പെടുത്തിയാണു പ്രതികള്‍ രക്ഷപ്പെട്ടത്.