മതിലകം: മതിലകം സെന്റ് ജോസഫ് സ്‌കൂളിന്റെ വാര്‍ഷികാഘോഷവും വിരമിക്കുന്ന പ്രധാന അധ്യാപിക ഗ്രാസിയ പോളിന് യാത്രയയപ്പും നടത്തി. ഇ.ടി ടൈസന്‍ മാസ്റ്റര്‍ എം.എല്‍.എ ഉദ്ഘാടനം ചെയ്തു. പി.ടി.എ പ്രസിഡന്റ് അനില്‍ കിള്ളികുളങ്ങര അധ്യക്ഷനായി.
കോട്ടപ്പുറം രൂപതാ മെത്രാന്‍ റവറന്റ് ഡോ. ജോസഫ് കാരിക്കശ്ശേരി അനുഗ്രഹ പ്രഭാഷണം നടത്തി. സിനിമാതാരം ജയരാജ് വാര്യര്‍ മുഖ്യാതിഥിയായി. യുവകവി രമേഷ് കാവില്‍ മുഖ്യപ്രഭാഷണം നടത്തി. സ്‌കൂള്‍ മാനേജര്‍ ഫാദര്‍ ജോസഫ് കുന്നത്തൂര്‍ മാസിക പ്രകാശനം ചെയ്തു. പ്രധാന അധ്യാപിക ഗ്രാസിയ പോള്‍ സ്‌നേഹ ഭവനത്തിന്റെ താക്കോല്‍ ദാനം നിര്‍വഹിച്ചു. പ്രിന്‍സിപ്പല്‍ ഇന്‍ ചാര്‍ജ്ജ് സി.എം സ്റ്റെല്ല, ഡെപ്യൂട്ടി ഹെഡ്മാസ്റ്റര്‍ വി.കെ മുജീബ് റഹ്മാന്‍, മതിലകം ഗ്രാമപഞ്ചായത്ത് പ്രസിഡന്റ് ഇ.ജി സുരേന്ദ്രന്‍,പി.ആര്‍ ശ്രീധര്‍ എന്നിവര്‍ സംസാരിച്ചു. തുടര്‍ന്ന് വിദ്യാര്‍ഥികളുടെ വിവിധ കലാപരിപാടികള്‍ നടന്നു.