കൈറോ: ഈജിപ്തില്‍ നടക്കാനിരിക്കുന്ന പ്രസിഡന്റ് തെരഞ്ഞെടുപ്പ് ബഹിഷ്‌കരിക്കാനുള്ള ആഹ്വാനവുമായി പ്രതിപക്ഷം. സ്ഥാനാര്‍ഥിയായി മത്സരിക്കാനിരിക്കുന്നവരെ അറസ്റ്റ് ചെയ്തും ഭയപ്പെടുത്തിയും നടത്തുന്ന തെരഞ്ഞെടുപ്പ് തികച്ചും അസംബന്ധമാണെന്ന് ഈജിപ്ത് പ്രതിപക്ഷ പാര്‍ട്ടികളും 150 ഓളം ജനാധിപത്യ വാദികളും സംയുക്ത പ്രസ്താവനയില്‍ പറഞ്ഞു.

മാര്‍ച്ചില്‍ നടക്കാനിരിക്കുന്ന തെരഞ്ഞെടുപ്പ് ബഹിഷ്‌കരിക്കണമെന്നും സുതാര്യമായ തെരഞ്ഞെടുപ്പ് നടത്തുന്നതില്‍ നിന്ന് ഈജിപത് പ്രസിഡന്റ് അബുദുല്‍ ഫത്താ അല്‍സീസി തടയുകയാണെന്ന് പ്രതിപക്ഷം ആരോപിച്ചു. ഹംദീന്‍ സബാഹി മാത്രമാണ് സീസിക്കെതിരേ മത്സര രംഗത്തുള്ളത്. സിസിയുടെ ക്രൂരമായ ഭരണത്തിനെതിരേ പ്രതിപക്ഷ പാര്‍ട്ടികള്‍ സംയുക്തമായി പ്രവര്‍ത്തിക്കണമെന്ന് ഹംദീന്‍ സബാഹി ആവശ്യപ്പെട്ടു.