കൊല്ലം: ചെന്നൈയില്‍ ജനുവരി 27 മുതല്‍ 31 വരെ നടന്ന 55ാമത് ദേശീയ റോളര്‍ സ്‌പോര്‍ട്‌സ് ചാംപ്യന്‍ഷിപ്പില്‍ ഒരു സ്വര്‍ണം ഉള്‍പ്പെടെ ആറ് മെഡലുകള്‍ നേടി കേരളം. 16 വയസിന് മുകളില്‍ ഇന്‍ലൈന്‍ ഫ്രീ സ്‌കേറ്റിങില്‍ അഭിജിത് അമല്‍രാജ് (പത്തനംതിട്ട) സ്വര്‍ണവും ഫ്രീ സ്‌കേറ്റിങില്‍ വെള്ളി മെഡലും നേടി . 12-16 വിഭാഗം റിങ്ക് റെയ്‌സ് ടൈം ട്രയല്‍സില്‍ യശ്വന്ത് ബി ദാസ് (പാലക്കാട്) വെങ്കലവും 8-12 വിഭാഗം ഫ്രീ സ്റ്റൈല്‍ സ്പീഡ് സ്ലാലത്തില്‍ ഗ്രേഷ്യല്‍ എ സിലി (എറണാകുളം) വെള്ളിയും 12-16 വിഭാഗത്തില്‍ ഹരിഹരന്‍ (പത്തനംതിട്ട), 16ന് മുകളില്‍ ഡോണ്‍ കുഞ്ഞുമോന്‍ ( വയനാട്) എന്നിവര്‍ വെങ്കല മെഡലും കരസ്ഥമാക്കി.