അങ്ങാടിപ്പുറം: കോഴിക്കോട് പാലക്കാട് ദേശീയപാതയില്‍ രാമപുരം അരിപ്രയില്‍ നിയന്ത്രണം വിട്ട ഇന്നോവ കാര്‍ മറിഞ്ഞു. മലപ്പുറത്തു നിന്നും മണ്ണാര്‍ക്കാട് ഭാഗത്തേക്ക് പോകുകയായിരുന്ന യാത്രക്കാരാണ് ഞാറാഴ്ച്ച രാവിലെ 8:30 ഓടെ അപകടത്തില്‍പ്പെട്ടത്.
നിയന്ത്രണം വിട്ട കാര്‍ റോഡരികില്‍ നിര്‍ത്തിയിട്ട ഗുഡ്‌സ് ഓട്ടോയുടെ മുകളിലൂടെ കയറി ഇറങ്ങി രണ്ടു തവണ തലകീഴായി മറിഞ്ഞ് സമീപത്തെ വര്‍ക്ക്‌ഷോപ്പിലേക്ക് പാഞ്ഞു കയറുകയും ചെയ്തു.
കാറിന്റെ മുന്‍വശത്തെ ടയര്‍ പൊട്ടുകയായിരുന്നെന്നാണ് പ്രാഥമിക നിഗമനം. യാത്രികര്‍ക്കു പരുക്കില്ല.