അമേരിക്കൻ എയർലൈൻസിലെ മുൻ ഫ്ലൈറ്റ് അറ്റൻഡൻറായ 37-കാരൻ എസ്റ്റസ് കാർട്ടർ തോംസൺ III വിമാനത്തിലെ ബാത്ത്റൂമുകളിൽ രഹസ്യമായി ക്യാമറ ഒളിപ്പിച്ച് കൗമാരക്കാരിയായ പെൺകുട്ടികളുടെ ദൃശ്യങ്ങൾ പകർത്തിയതായി കുറ്റസമ്മതം നടത്തി.

2023 സെപ്റ്റംബർ 2-ന് ഷാർലറ്റിൽ നിന്ന് ബോസ്റ്റണിലേക്കുള്ള വിമാനത്തിൽ യാത്ര ചെയ്ത 14-കാരിയായ പെൺകുട്ടിയുടെ പരാതിയിലാണ് അന്വേഷണവും അറസ്റ്റും നടന്നത്. ടോയ്‌ലറ്റിൽ "സീറ്റ് മോശമാണ്" എന്ന മുന്നറിയിപ്പ് ബോർഡ് കണ്ട പെൺകുട്ടി അതിനു പിന്നിൽ നിന്ന് മങ്ങിയ വെളിച്ചം കാണുകയായിരുന്നു. സംശയം തോന്നിയ കുട്ടി ഉടൻ തന്നെ മറ്റ് ക്രൂ അംഗങ്ങളെ വിവരമറിയിക്കുകയും, തുടർന്ന് നടത്തിയ പരിശോധനയിൽ ടോയ്‌ലറ്റ് സീറ്റിനു പിന്നിൽ ഒളിപ്പിച്ച ഐഫോൺ കണ്ടെത്തുകയും ചെയ്തു.

പോലീസ് അന്വേഷണം തുടരുന്നതിനിടെ, ഈ കുറ്റകൃത്യം എസ്റ്റസ് കാർട്ടർ തോംസൺ III നടത്തിയതാണെന്ന് സ്ഥിരീകരിക്കുകയും ഇയാളെ അറസ്റ്റ് ചെയ്യുകയും ചെയ്തു. കൂടാതെ, നോർത്ത് കരോലിനയിലെ ഇയാളുടെ വീട്ടിൽ നടത്തിയ റെയ്ഡിൽ, ഐക്ലൗഡ് അക്കൗണ്ടിൽ നിന്നു നിരവധി അനധികൃത ദൃശ്യങ്ങൾ കണ്ടെത്തിയതായും റിപ്പോർട്ടുകളിൽ പറയുന്നു.

എഐ ഉപയോഗിച്ച് ദൃശ്യങ്ങൾ സൃഷ്ടിച്ചിരുന്നതായി കണ്ടെത്തി

ഇയാൾ വിമാനത്തിലെ ടോയ്‌ലറ്റ് ഉപയോഗിക്കുന്നവരെ തെറ്റിദ്ധരിപ്പിച്ച് അവരെ രഹസ്യമായി ചിത്രീകരിച്ചിരുന്നെന്ന് അന്വേഷണത്തിൽ വ്യക്തമായിട്ടുണ്ട്. കൂടാതെ, ഇയാളുടെ ഐക്ലൗഡിൽ 7, 9, 11, 14 വയസുള്ള പെൺകുട്ടികളുടെ ദൃശ്യങ്ങളും കണ്ടെടുത്തതായും, എഐ ഉപയോഗിച്ച് സൃഷ്ടിച്ച നിരവധി കുട്ടികളുടെ അശ്ലീല ചിത്രങ്ങളും പൊലീസ് കണ്ടെത്തിയതായും റിപ്പോർട്ടുകളിൽ പറയുന്നു.

വിചാരണക്കിടെ 14-കാരിയുടെ ദൃശ്യങ്ങൾ രഹസ്യമായി പകർത്തിയതടക്കമുള്ള കുറ്റങ്ങൾ ഇയാൾ കുറ്റസമ്മതം നടത്തി. ഈ കേസിൽ കുട്ടികളെ ദുരുപയോഗം ചെയ്തതിന് 15 മുതൽ 20 വർഷം വരെയും, കുട്ടികളുടെ അശ്ലീല ദൃശ്യങ്ങൾ കൈവശം വച്ചതിന് 20 വർഷം തടവും ലഭിക്കാവുന്ന കുറ്റങ്ങളാണ് ചുമത്തിയിരിക്കുന്നത്. ഈ മാസം 17-ന് ശിക്ഷ പ്രഖ്യാപിക്കുമെന്ന് റിപ്പോർട്ടിൽ പറയുന്നു.

സംഭവത്തെ തുടർന്ന് അമേരിക്കൻ എയർലൈൻസ് ഇയാളെ ഔദ്യോഗികമായി പുറത്താക്കിയതായി സ്ഥിരീകരിച്ചു.

 A former American Airlines flight attendant admitted to secretly recording minors in an airplane toilet using a hidden iPhone. Investigation reveals AI-generated content and illegal footage.