മലപ്പുറം: കേരള സര്‍വിസ് പെന്‍ഷനേഴ്‌സ് ലീഗ് ഏര്‍പ്പെടുത്തിയ കൊരമ്പയില്‍ പുരസ്‌കാരത്തിന് മുസ്‌ലിം ലീഗ് സംസ്ഥാന ജന. സെക്രട്ടറി കെ.പി.എ മജീദിനെ തെരഞ്ഞെടുത്തു. കവി പുലിക്കോട്ടില്‍ ഹൈദര്‍ സ്മാരക കലാപഠനകേന്ദ്രം യാഥാര്‍ഥ്യമാക്കുന്നതില്‍ വഹിച്ച നേതൃത്വപരമായ പങ്ക് മുന്‍നിര്‍ത്തിയാണ് അവാര്‍ഡിന് തെരഞ്ഞെടുത്തത്. ശില്‍പവും പ്രശസ്തി പത്രവുമാണ് പുരസ്‌കാരം. 17ന് വൈകിട്ട് നാലിന് മലപ്പുറം കോട്ടക്കുന്ന് ഡി.ടി.പി.സി ഓഡിറ്റോറിയത്തില്‍ വച്ച് പാണക്കാട് മുനവ്വറലി ശിഹാബ് തങ്ങള്‍ സമ്മാനിക്കും.