കോഴിക്കോട്: സംസ്ഥാന പോളിടെക്‌നിക് കോളജ് കായിക മേളയ്ക്ക് ഇന്ന് കോഴിക്കോട് തുടക്കമാകും. മെഡിക്കല്‍ കോളജ് ഒളിംപ്യന്‍ റഹ്്മാന്‍ സ്റ്റേഡിയത്തില്‍ നടക്കുന്ന കായിക മേളയില്‍ സംസ്ഥാനത്തെ 70 പോളിടെക്‌നിക്ക് കോളജുകളില്‍ നിന്നായി 800 ലധികം താരങ്ങള്‍ മാറ്റുരയ്ക്കും. മത്സരങ്ങള്‍ ഇന്ന് രാവിലെ ആറിന് നടക്കുന്ന പുരുഷ വിഭാഗം 5000 മീറ്റര്‍ ദീര്‍ഘ ദൂര ഓട്ടത്തോടെ ആരംഭിക്കും. അത്‌ലറ്റിക് മത്സരങ്ങളിലെ ഗ്ലാമര്‍ ഇനമായ പുരുഷ- വനിതാ 100 മീറ്ററടക്കം 14 ഇനങ്ങളിലെ ഫൈനല്‍ ആദ്യ ദിനത്തില്‍ നടക്കും. രാവിലെ 9.30ന് നടക്കുന്ന ചടങ്ങില്‍ കോഴിക്കോട് കോര്‍പറേഷന്‍ മേയര്‍ തോട്ടത്തില്‍ രവീന്ദ്രന്‍ മേള ഉദ്ഘാടനം ചെയ്യും. നാളെ സമാപിക്കും.