റിയാദ്: വധശിക്ഷക്ക് വിധിക്കപ്പെട്ട് ഒടുവിൽ ദിയ പണം നൽകി മോചനം കാത്ത് റിയാദ് ജയിലിൽ കഴിയുന്ന കോഴിക്കോട് സ്വദേശി അബ്ദുഹീമിന്റെ മോചനം ഇനിയും നീളും. ഇന്ന് കേസ് സംബന്ധിച്ച വിധി ഉണ്ടാകുമെന്നായിരുന്നു കരുതിയിരുന്നത്. 

ഇന്ന്​ ഉച്ചക്ക്​ 12.30ന് റിയാദ്​ ക്രിമിനൽ കോടതിയിൽ​ ചേരാൻ നിശ്ചയിച്ച സിറ്റിങ്​​ സാ​ങ്കേതിക കാരണങ്ങളാൽ​ മാറ്റി വെക്കുകയായിരുന്നു. എല്ലാ കേസുകളുടെയും സിറ്റിങ്​ തീയതി മാറ്റിയിട്ടുണ്ട്​. എന്നാൽ, അടുത്ത സിറ്റിങ്​ തീയതി അറിവായിട്ടില്ല. മോചനവുമായി ബന്ധപ്പെട്ട ​തുടർച്ചയായി നാലാമത്തെ കോടതി സിറ്റിങ്ങാണ്​ ഇന്ന്​ നിശ്ചയിച്ചിരുന്നത്​.

കേസ് അടുത്ത ദിവസം വീണ്ടും പരിഗണിക്കുമെന്നാണ് പ്രതീക്ഷിക്കുന്നത്. ഇന്ന് ചേരുന്ന കോടതിയിൽനിന്ന്​ അന്തിമ വിധിയുണ്ടാകും എന്ന പ്രതീക്ഷയിലായിരുന്നു എല്ലാവരും. ഇതോടെ, റഹീം മോചനവിധിയിൽ കാത്തിരിപ്പ് തുടരും.