ആലപ്പുഴ: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന് കീഴിലുള്ള എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ മാര്‍ച്ച് 15ന് രാവിലെ 10ന് ചേര്‍ത്തല എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്‌ട്രേഷന്‍ ക്യാമ്പ് നടത്തും.
കുറഞ്ഞത് പ്ലസ് ടു പാസായ 18നും 35നും മധ്യേ പ്രായമുള്ളവര്‍ക്ക് രജിസ്റ്റര്‍ ചെയ്യാം. രജിസ്റ്റര്‍ ചെയ്യാനാഗ്രഹിക്കുന്നവര്‍ നിര്‍ബന്ധമായി ഇ മെയില്‍ ഐ.ഡിയും ഏതെങ്കിലും ഒരു തിരിച്ചറിയല്‍ കാര്‍ഡിന്റെ പകര്‍പ്പും 250 രൂപയും കരുതണം.
ഉദ്യോഗാര്‍ഥികള്‍ക്ക് എംപ്ലോയ്‌മെന്റ് എക്‌സ്‌ചേഞ്ചിന് കീഴിലുള്ള എംപ്ലോയബിലിറ്റി സെന്റര്‍ മുഖാന്തരം ആഴ്ചതോറും നടക്കുന്ന സ്വകാര്യ മേഖലയിലേക്കുള്ള എല്ലാ അഭിമുഖങ്ങളിലും പങ്കെടുക്കാം.
അവസരങ്ങളെകുറിച്ചുള്ള വിവരങ്ങള്‍ ഉദ്യോഗാര്‍ഥികള്‍ക്ക് എസ്.എം.എസ് മുഖേന ലഭിക്കും. ചേര്‍ത്തല താലൂക്കിലുള്ള അവസാന വര്‍ഷ വിദ്യാര്‍ഥികള്‍ക്കും മറ്റ് ഉദ്യോഗാര്‍ഥികള്‍ക്കും ഈ അവസരം പ്രയോജനപ്പെടുത്താവുന്നതാണ്. താല്‍പ്പര്യമുള്ളവര്‍ മാര്‍ച്ച് 15ന് രാവിലെ 10ന് ചേര്‍ത്തല എംപ്ലോയ്‌മെന്റ് എക്‌സ്‌ചേഞ്ചില്‍ എത്തണം. 0477 2230624, 8078828780, 9061560069.