കോഴിക്കോട്: കാലഘട്ടത്തിനനുസരിച്ച് മതബോധം നല്‍കി കുട്ടികളെ സംസ്‌കാര സമ്പന്നരാക്കണമെന്ന് സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ആഹ്വാനം ചെയ്തു. സമസ്തയുടെ പ്രീസ്‌കൂള്‍ സംവിധാനമായ അല്‍ബിര്‍റ് 2018-19 അധ്യയനവര്‍ഷം ആരംഭിക്കാന്‍ താല്‍പര്യപ്പെടുന്ന മാനേജ്‌മെന്റ് പ്രതിനിധികളുടെ യോഗം ടീം സമ്മിറ്റ്-18 കോഴിക്കോട് സുപ്രഭാതം ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമുല്ലൈലി അധ്യക്ഷനായി. എം.ടി അബ്ദുല്ല മുസ്‌ലിയാര്‍, എം.സി മായിന്‍ഹാജി, ഡോ. എന്‍.എ.എം അബ്ദുല്‍ഖാദര്‍, എ.വി അബ്ദുറഹ്മാന്‍ മുസ്‌ലിയാര്‍, ഹമീദ് ഫൈസി അമ്പലക്കടവ്, ആര്‍.വി കുട്ടിഹസന്‍ ദാരിമി, നാസര്‍ ഫൈസി കൂടത്തായ്, കെ. മോയിന്‍കുട്ടി മാസ്റ്റര്‍, ശാഹുല്‍ ഹമീദ് മാസ്റ്റര്‍ മേല്‍മുറി, ഫൈസല്‍ ടി.വി.കെ, നൗഫല്‍ മാസ്റ്റര്‍, സി. അഹമ്മദ്‌കോയ ഹാജി, മുനീര്‍ കൊയിലാണ്ടി, ഡോ. അബ്ദുല്‍ ഗഫൂര്‍ കൊടിയത്തൂര്‍, ഇസ്മാഈല്‍ മുദ്ദിദി, ഹസന്‍ മാസ്റ്റര്‍, ഫൈസല്‍ ഹുദവി പരതക്കാട്, ഉമര്‍ ഫൈസി മുക്കം, ജാബിര്‍ ഹുദവി, ഹംസ മയ്യില്‍, സലാം റഹ്മാനി, ഉമര്‍ മൗലവി, അസ്‌കര്‍ കരിമ്പ, അശ്‌റഫ് അണ്ടോണ സംസാരിച്ചു.
കേരളത്തിലെ വിവിധ ജില്ലകളില്‍ നിന്ന് അഞ്ഞൂറിലധികം പ്രതിനിധികള്‍ പങ്കെടുത്തു.