കൊച്ചി: ഭ്രമരം സിനിമയില്‍ ഹിറ്റായ 'അണ്ണാറകണ്ണാ' എന്ന ഗാനമാലപിച്ച പൂര്‍ണശ്രീ ഹരിദാസിന് ലളിതഗാന മത്സരത്തില്‍ തുടര്‍ച്ചയായി രണ്ടാമതും ഒന്നാം സ്ഥാനം. തേവര എസ്.എച്ച് കോളജിലെ ബി.കോം രണ്ടാം വര്‍ഷ വിദ്യാര്‍ഥിനിയും സിനിമ പിന്നണി ഗായികയുമായ പൂര്‍ണശ്രീ ഇതിനോടകം നിരവധി റിയാലിറ്റി ഷോകളിലും ഒന്നാമതെത്തിയിട്ടുണ്ട്.
സ്റ്റേജ് ഷോകള്‍ക്ക് പുറമെ വിവിധ ആല്‍ബങ്ങളിലും പാടി. കഴിഞ്ഞ വര്‍ഷം കോഴഞ്ചേരിയില്‍ നടന്ന കലോത്സവത്തില്‍ ശാസ്ത്രീയ സംഗീതത്തിലും പൂര്‍ണശ്രീ ഒന്നാം സ്ഥാനം നേടിയിരുന്നു. പി.എസ് ഹരിദാസിന്റെയും ഡോ.ശ്രീരഞ്ജിനിയുടെയും മകളാണ്. ചന്ദ്രമന നാരായണന്‍ നമ്പൂതിരിയുടെ ശിക്ഷണത്തിലാണ് സംഗീതം അഭ്യസിക്കുന്നത്. തിരുവല്ല മാര്‍ത്തോമാ കോളജിലെ ശ്രീപ്രിയ.എസ് രണ്ടാം സ്ഥാനവും ആലുവ സെന്റ് സേവ്യേഴ്‌സിലെ ശ്രീലക്ഷ്മി.കെ മൂന്നാം സ്ഥാനവും നേടി.