കണ്ണൂര്‍: കണ്ണൂരില്‍ അനധികൃതമായി വില്‍പ്പന നടത്തുകയായിരുന്ന പന്ത്രണ്ടായിരം ലിറ്റര്‍ റേഷന്‍ മണ്ണെണ്ണ ടാങ്കര്‍ സഹിതം പൊലിസ് പിടിച്ചെടുത്തു. രണ്ടുപേരെ അറസ്റ്റുചെയ്തു.
കണ്ണൂര്‍ ടൗണ്‍ എസ്.ഐ ശ്രീജിത്ത് കൊടേരിയും സംഘവുമാണ് കോഴിക്കോട് നിന്ന് തളിപ്പറമ്പിലേക്ക് എത്തിക്കുകയായിരുന്ന മണ്ണെണ്ണ നിറച്ച ലോറിയും പ്രതികളെയും പിടികൂടിയത്. റേഷന്‍ കട വഴി മാത്രം വില്‍പ്പന നടത്താവുന്ന മണ്ണെണ്ണയുമായി പള്ളിപ്പുറം സ്വദേശി രാജീവ്, കാവിന്‍മൂല സ്വദേശി സുധീര്‍ എന്നിവരാണ് അറസ്റ്റിലായത്. ടാങ്കര്‍ ജീവനക്കാര്‍ വഴിമധ്യേ ലോറിയില്‍ നിന്ന് മണ്ണെണ്ണ സ്വകാര്യ വ്യക്തികള്‍ക്ക് ഊറ്റിനല്‍കുകയായിരുന്നു.