ന്യൂഡല്‍ഹി: കള്ളപ്പണം വെളുപ്പില്‍ കേസില്‍ മുന്‍മന്ത്രിയും ആംആദ്മി പാര്‍ട്ടി നേതാവുമായ സത്യേന്ദ്ര ജെയിന് ജാമ്യം. ഇഡി രജിസ്റ്റര്‍ ചെയ്ത കേസിലാണ് അറസ്റ്റിലായി രണ്ട് വര്‍ഷത്തിന് ശേഷം ജാമ്യം ലഭിക്കുന്നത്. റൗസ് അവന്യൂ കോടതി പ്രത്യേക ജഡ്ജി വിശാല്‍ ഗോഗ്‌നെയുടേതാണ് ഉത്തരവ്. ബെനാമി കമ്പനികളിലൂടെ അനധികൃത സ്വത്ത് സമ്പാദനം നടത്തിയെന്ന് കാട്ടി സിബിഐയാണ് ആദ്യം കേസെടുത്തത്.

തൊട്ടുപിന്നാലെ ഇഡിയും കേസെടുത്താണ് 2022 മെയില്‍ സത്യേന്ദ്ര ജെയിനെ അറസ്റ്റ് ചെയ്തത്. സത്യം ഒരിക്കല്‍ കൂടി വിജയിച്ചെന്നും, ബിജെപിയുടെ ഗൂഢാലോചനകള്‍ ഒരോന്നായി രാജ്യത്തിന് മുന്നില് പൊളിയുകയാണെന്നും ആംആദ്മി പാര്‍ട്ടി പ്രതികരിച്ചു.