റിയാദ്: മലപ്പുറം ജില്ലാ കെ.എം.സി.സി നടപ്പിലാക്കുന്ന കുടുംബ സുരക്ഷാ പദ്ധതി വിജയിപ്പിക്കാന്‍ ജിദ്ദ കോട്ടക്കല്‍ മണ്ഡലം കെ.എം.സി.സി കമ്മിറ്റി തീരുമാനിച്ചു. കുടുംബ സുരക്ഷാ പദ്ധതിയുടെ മണ്ഡലം തല ഫോറം വിതരണ ഉദ്ഘാടനം മണ്ഡലം പ്രസിഡന്റ് അബ്ദുറഹ്മാന്‍ കോട്ടക്കലിന് നല്‍കി മലപ്പുറം ജില്ലാ കെ.എം.സി.സി സെക്രട്ടറി ലത്തീഫ് ചാപ്പനങ്ങാടി നിര്‍വഹിച്ചു. പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന കോട്ടക്കല്‍ മണ്ഡലം പ്രസിഡന്റ് അബ്ദുറഹ്മാന്‍ കോട്ടക്കല്‍, വൈസ് പ്രസിഡന്റ് ജാഫര്‍ വാഫി വളാഞ്ചേരി, റിയാദിലേക്കു സ്ഥലം മാറിപ്പോകുന്ന ട്രഷറര്‍ റാഫി വളാഞ്ചേരി എന്നിവര്‍ക്ക് മാര്‍ച്ച് 30 നു യാത്രയയപ്പ് നല്‍കാനും യോഗം തീരുമാനിച്ചു.

യോഗത്തില്‍ പ്രസിഡന്റ് അബ്ദുറഹ്മാന്‍ കോട്ടക്കല്‍ അധ്യക്ഷത വഹിച്ചു. മലപ്പുറം ജില്ലാ കെ.എം.സി.സി സെക്രട്ടറി ലത്തീഫ് ചാപ്പനങ്ങാടി ഉദ്ഘാടനം ചെയ്തു. കെ. മൂസ ഹാജി, ജാഫര്‍ വാഫി, ഇബ്രാഹിം ഹാജി, ടി.പി റാഫി , റസാഖ് വെണ്ടല്ലൂര്‍, മുഹമ്മദ് കല്ലിങ്ങല്‍, ടി.ടി ഷാജഹാന്‍, അന്‍വര്‍ പുവ്വല്ലൂര്‍, ഇ. മുഹമ്മദലി, മുഹമ്മദ് റാസില്‍, അബ്ബാസ്, അന്‍വര്‍ കുറ്റിപ്പുറം തുടങ്ങിയവര്‍ സംസാരിച്ചു. ജനറല്‍ സെക്രട്ടറി നാണി ഇസ്ഹാഖ് സ്വാഗതവും അഷ്‌റഫ് മേലേതില്‍ നന്ദിയും പറഞ്ഞു.