മുംബൈ: ന്യൂസിലന്‍ഡ് പേസര്‍ മിച്ചല്‍ മക്ലനാഗന്‍ മുംബൈ ഇന്ത്യന്‍സില്‍ തിരിച്ചെത്തി. ആസ്‌ത്രേലിയന്‍ പേസര്‍ ജാസന്‍ ബെഹ്‌റന്‍ഡോര്‍ഫ് പരുക്കേറ്റ് പുറത്തായതോടെയാണ് മക്ലനാഗന്‍ വീണ്ടും ടീമിലെത്തിയത്. ലേലത്തില്‍ വിളിച്ചെടുത്ത ജാസന്‍ ബെഹ്‌റന്‍ഡോര്‍ഫിന് പരുക്കേറ്റതിനാല്‍ പകരം ആളെ എടുക്കാന്‍ ഐ.പി.എല്‍ ടെക്‌നിക്കല്‍ കമ്മിറ്റി മുംബൈ ഇന്ത്യന്‍സിന് അനുവാദം നല്‍കുകയായിരുന്നു. 1.5 കോടി രൂപയ്ക്കാണ് ബെഹ്‌റന്‍ഡോര്‍ഫിനെ മുംബൈ സ്വന്തമാക്കിയത്. കഴിഞ്ഞ സീസണില്‍ മുംബൈ ഇന്ത്യന്‍സിന് കിരീടം സമ്മാനിക്കുന്നതില്‍ നിര്‍ണായക പങ്ക് വഹിച്ച താരമാണ് മക്ലനാഗന്‍. ടൂര്‍ണമെന്റില്‍ 14 മത്സരങ്ങളില്‍ നിന്ന് 19 വിക്കറ്റ് നേടിയിരുന്നു. എന്നാല്‍ ഇത്തവണത്തെ ലേലത്തില്‍ ഒരു കോടി അടിസ്ഥാന വിലയുണ്ടായിരുന്ന താരത്തെ ആരും വിളിച്ചെടുത്തിരുന്നില്ല.