റിയാദ്: അധ്യാപകര്‍ക്ക് ലൈസന്‍സ് നിര്‍ബന്ധമാക്കി സഊദി അറേബ്യ. നിലവിലെ കരാര്‍ തുടരാനും പുതിയ കരാറില്‍ പ്രവേശിക്കാനും അധ്യാപകര്‍ക്ക് ഇനി മുതല്‍ ലൈസന്‍സ് നിര്‍ബന്ധമാണ്. അതേസമയം മുതിര്‍ന്ന അധ്യാപകര്‍ക്ക് നിയമത്തില്‍ ഇളവ് നല്‍കിയിട്ടുണ്ട്. ലൈസന്‍സ് ഉള്ള അധ്യാപകര്‍ക്ക് നിരവധി മുന്‍ഗണനകളും പ്രഖ്യാപനത്തിലുണ്ട്. വര്‍ഷത്തില്‍ രണ്ടു തവണ ലൈസന്‍സ് എടുക്കാനുള്ള അവസരം ലഭ്യമാക്കും.

2026 ഫെബ്രുവരി ഒന്നിനുള്ളില്‍ 50 വയസ്സ് പൂര്‍ത്തിയാകുന്ന മുതിര്‍ന്ന അധ്യാപകര്‍ക്ക് ലൈസന്‍സ് എടുക്കേണ്ടതില്ല. ദീര്‍ഘകാല അധ്യാപന പരിചയം പരിഗണിച്ചാണ് ഇളവ്. ലൈസന്‍സ് നേടിയ അധ്യാപകര്‍ക്ക് വിദേശ സ്‌കോളര്‍ഷിപ്പുകള്‍, അന്താരാഷ്ട്ര അധ്യാപന അവസരങ്ങള്‍, പഠന പരിപാടികള്‍, കരിയര്‍ ഡെവലപ്‌മെന്റ് തുടങ്ങി നിരവധി അവസരങ്ങള്‍ ലഭിക്കും. ലൈസന്‍സ് ഇല്ലാത്തവര്‍ക്ക് ഓരോ വര്‍ഷവും രണ്ട് തവണ പരീക്ഷ എഴുതാനുള്ള അവസരമൊരുക്കും. കൂടാതെ 2025ന് മുമ്പ് ലഭിച്ച ലൈസന്‍സുകള്‍ ഒരു വര്‍ഷത്തേക്ക് കൂടി നീട്ടി നല്‍കും. ലൈസന്‍സ് ഉള്ള അധ്യാപകര്‍ക്ക് വിദേശ പഠനത്തിനും ജോലി അവസരങ്ങള്‍ക്കും മുന്‍ഗണന ലഭിക്കുമെന്നും മന്ത്രാലയം അറിയിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia has introduced a mandatory teaching license for all educators, aiming to enhance teacher quality, improve student outcomes, and align with international education standards.