HOME
DETAILS

വിദേശജോലി തട്ടിപ്പ്: രണ്ടാം പ്രതിക്കായി ഊര്‍ജിത അന്വേഷണം

  
backup
March 21 2018 | 05:03 AM

%e0%b4%b5%e0%b4%bf%e0%b4%a6%e0%b5%87%e0%b4%b6%e0%b4%9c%e0%b5%8b%e0%b4%b2%e0%b4%bf-%e0%b4%a4%e0%b4%9f%e0%b5%8d%e0%b4%9f%e0%b4%bf%e0%b4%aa%e0%b5%8d%e0%b4%aa%e0%b5%8d-%e0%b4%b0%e0%b4%a3%e0%b5%8d

 

നെടുങ്കണ്ടം: കാനഡയില്‍ ജോലി വാഗ്ദാനം ചെയ്തു ലക്ഷങ്ങള്‍ തട്ടിയ കേസിലെ രണ്ടാം പ്രതിക്കായി പൊലിസ് അന്വേഷണം ഊര്‍ജിതമാക്കി. ജില്ലാ പൊലിസ് മേധാവി കെ.ബി വേണുഗോപാലിന്റെ നേതൃത്വത്തിലുള്ള സ്‌പെഷല്‍ സ്‌ക്വാഡിനാണു കേസിന്റെ അന്വേഷണ ചുമതല. കേസിലെ ഒന്നാം പ്രതി ഇരട്ടയാര്‍ നത്തുകല്ല് കൈപകശേരിയില്‍ സാജന്‍ എന്ന ദേവസ്യ യോഹന്നാന്‍ (52) കഴിഞ്ഞ ദിവസം പൊലിസ് പിടിയിലായിരുന്നു.
35 പേരില്‍നിന്ന് 80 ലക്ഷം തട്ടിയെന്ന് പ്രതി അന്വേഷണസംഘത്തോടു പറഞ്ഞു. എന്നാല്‍ നെടുങ്കണ്ടം, കട്ടപ്പന പൊലിസ് സ്റ്റേഷനുകളിലായി അഞ്ചു കേസുകള്‍ മാത്രമാണു രജിസ്റ്റര്‍ ചെയ്തിരിക്കുന്നത്. കൂടുതല്‍ ഉദ്യോഗാര്‍ഥികള്‍ പരാതിയുമായി ജില്ലയിലെ വിവിധ പൊലിസ് സ്റ്റേഷനുകളെ സമീപിച്ചിട്ടുണ്ട്. പൊലിസുകാരന്റെ ബന്ധുക്കള്‍വരെ തട്ടിപ്പില്‍ കുടുങ്ങി കാനഡയിലെത്തി ജോലി ലഭിച്ചശേഷം മാത്രം ബാക്കി പണം നല്‍കിയാല്‍ മതിയെന്നായിരുന്നു മോഹന വാഗ്ദാനം. ഇത്തരത്തില്‍ രണ്ടുലക്ഷം രൂപമുതല്‍ നാലുലക്ഷം രൂപവരെയാണ് ഉദ്യോഗാര്‍ഥികള്‍ സാജനു നല്‍കിയത്. പലരും ബാങ്കില്‍നിന്നു ലോണെടുത്തും കടം വാങ്ങിയുമാണു പണം കൈമാറിയത്. ഏതാനും പേര്‍ അക്കൗണ്ടിലൂടെ പണം കൈമാറിയപ്പോള്‍ ചിലര്‍ നേരിട്ടു പണം നല്‍കി. നേരിട്ടു പണം നല്‍കിയവര്‍ക്കു തെളിവില്ലാത്തതിനാല്‍ പരാതി നല്‍കാന്‍പോലും സാധിക്കാത്ത സ്ഥിതിയാണ്. കോട്ടയം, എറണാകുളം, കൊല്ലം സ്വദേശികളാണു തട്ടിപ്പിനിരയായതെന്നും പൊലിസ് അറിയിച്ചു. രണ്ടാം പ്രതി കരുനാഗപ്പള്ളി സ്വദേശിയെ കേന്ദ്രീകരിച്ചു പൊലിസ് അന്വേഷണം ഊര്‍ജിതമാക്കി. കാഞ്ചിയാര്‍ സ്വദേശിയായ പൊലിസുകാരന്റെ ബന്ധുക്കളെവരെയാണു പ്രതി തട്ടിപ്പിനിരയാക്കിയത്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."



No Image

സംസ്ഥാനത്ത് കനത്ത മഴ തുടരുന്നു; 12 ജില്ലകളിൽ ജാഗ്രത നിർദേശം, എട്ട് ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി

  • മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഓറഞ്ച് അലർട്ട്
  • കോട്ടയം, പാലക്കാട്, കോഴിക്കോട്, വയനാട്, ഇടുക്കി, ആലപ്പുഴ, കണ്ണൂർ, തൃശൂർ ജില്ലകളിൽ അവധി
Kerala
  •8 hours ago