ടെക്‌സസ്: സെൻട്രൽ ടെക്‌സസിൽ ഉണ്ടായ വെള്ളപ്പൊക്കത്തിൽ കുറഞ്ഞത് 111 പേർ മരിക്കുകയും 173 പേരെ കാണാതാവുകയും ചെയ്തു. കെർ കൗണ്ടിയിൽ മാത്രം 161 പേരെയാണ് കാണാതായതായി റിപ്പോർട്ട് ചെയ്തത്. വെള്ളിയാഴ്ച മുതൽ ഈ മേഖലയിൽ രക്ഷാപ്രവർത്തനങ്ങൾ നടന്നിട്ടില്ലെന്ന് ടെക്‌സസ് ഗവർണർ ഗ്രെഗ് അബോട്ട് വ്യക്തമാക്കി. ഇന്ന് ആറാം ദിവസത്തിലേക്ക് കടന്ന തിരച്ചിലും രക്ഷാപ്രവർത്തനങ്ങളും തുടരവെ, മരണസംഖ്യ ഇനിയും ഉയരുമെന്ന് ഉദ്യോഗസ്ഥർ ആശങ്ക പ്രകടിപ്പിക്കുന്നു.

നൂറുകണക്കിന് പ്രാദേശിക, സംസ്ഥാന, ഫെഡറൽ ഉദ്യോഗസ്ഥർ അവശിഷ്ടങ്ങൾക്കിടയിൽ നിന്ന് മ‍‍ൃത​​ദേഹങ്ങൾ കണ്ടെത്താൻ ശ്രമിക്കുന്നുണ്ട്. ഗ്വാഡലൂപ്പ് നദിയുടെ തീരത്തുള്ള ക്യാമ്പ് മിസ്റ്റിക്കിലെ 27 പെൺകുട്ടികളും ജീവനക്കാരും മരിച്ചവരിൽ ഉൾപ്പെടുന്നു. പെൺകുട്ടികളുടെ വേനൽക്കാല ക്യാമ്പിൽ വെറും ഒരു മണക്കൂറിനുള്ളിലാണ് നദി കരകവിഞ്ഞ് 20 അടിയിലധികം ഉയരത്തിൽ ഒഴുകിയെത്തിയത്. അഞ്ച് ക്യാമ്പർമാരെയും ഒരു കൗൺസിലറെയും ഇപ്പോഴും കണ്ടെത്താൻ കഴിഞ്ഞില്ല.

എബിസി ന്യൂസിന്റെ റിപ്പോർട്ട് പ്രകാരം, ദുരന്തത്തിന് രണ്ട് ദിവസം മുമ്പ് ടെക്‌സസ് ഡിപ്പാർട്ട്മെന്റ് ഓഫ് സ്റ്റേറ്റ് ഹെൽത്ത് സർവീസസ് ക്യാമ്പിന്റെ അടിയന്തര ദുരന്ത പദ്ധതികൾ അംഗീകരിച്ചിരുന്നു. ജൂലൈ 4-ന് തുടങ്ങിയ വെള്ളപ്പൊക്കത്തെ തുടർന്ന് 2,100-ലധികം ഉദ്യോഗസ്ഥരെയും 1,100-ലധികം വാഹനങ്ങളും ഉപകരണങ്ങളും രക്ഷാപ്രവർത്തനത്തിനായി വിന്യസിച്ചതായി ഗവർണറുടെ ഓഫീസ് അറിയിച്ചു. "20-ലധികം സംസ്ഥാന ഏജൻസികൾ വെള്ളപ്പൊക്ക ഭീഷണിയെ നേരിടാൻ പ്രവർത്തിക്കുന്നുണ്ട്," എന്ന് പ്രസ്താവനയിൽ വ്യക്തമാക്കി.

 

(ന്യൂ മെക്സിക്കോയിൽ വെള്ളപ്പൊക്കത്തിൽ വീട് ഒലിച്ച് പോകുന്ന ദൃശ്യം)

ന്യൂ മെക്സിക്കോയിലെ റൂയിഡോസോയിൽ മൺസൂൺ മഴയെ തുടർന്നുണ്ടായ വെള്ളപ്പൊക്കത്തിൽ പിതാവും രണ്ട് കുട്ടികളെയും കാണാതായി. ചൊവ്വാഴ്ച റിയോ റുയിഡോസോയിൽ ജലനിരപ്പ് ഒരു മണിക്കൂറിനുള്ളിൽ മൂന്ന് അടിയിൽ നിന്ന് 20.24 അടിയായി ഉയർന്നതായി ബിബിസി റിപ്പോർട്ട് ചെയ്തു. ഈ സ്ഥലത്ത് ഒരു വീട് വെള്ളത്തിനടിയിലായി. ഇതുവരെ 85-ലധികം വേഗത്തിലുള്ള ജല രക്ഷാപ്രവർത്തനങ്ങൾ നടത്തിയതായി ഉദ്യോഗസ്ഥർ അറിയിച്ചു.

Devastating floods in Central Texas and Ruidoso, New Mexico, have claimed over 111 lives, with 173 people still missing. In Texas’ Kerr County, 161 are unaccounted for, and no rescues have occurred since Friday. The Guadalupe River’s sudden rise inundated a girls’ summer camp, killing 27. Over 2,100 personnel and 1,100 vehicles are deployed for rescue efforts. In New Mexico, a father and two children were swept away as the Rio Ruidoso surged, prompting extensive rescue operations