റിയാദ്: യമനില്‍ മെഡിക്കല്‍ സംഘത്തെ ലക്ഷ്യമാക്കി വിമത വിഭാഗമായ ഹൂതികള്‍ നടത്തിയ ആക്രണത്തില്‍ പാരാമെഡിക്കല്‍ സംഘത്തിലെ ഒരംഗം കൊല്ലപ്പെടുകയും മൂന്നു പേര്‍ക്ക് പരുക്കേല്‍ക്കുകയും ചെയ്തു. ദുരിതമനുഭവിക്കുന്ന ഖോഖ അല്‍ മുഖയില്‍ ദുരിതാശ്വാസ പ്രവര്‍ത്തനത്തിന് പോകുകയായിരുന്ന സംഘത്തെയാണ് വിമത സംഘം ലക്ഷ്യമാക്കിയത്.

ഇവിടേക്ക് പോകുന്ന സമയത്ത് ഹൂതികളുടെ റോക്കറ്റാക്രമണത്തിലാണ് സംഘം ആക്രമിക്കപ്പെട്ടത്. ആക്രമണത്തില്‍ വാഹനം പൂര്‍ണ്ണമായി തകര്‍ന്നതിനെ തുടര്‍ന്ന് പാര മെഡിക്കല്‍ അംഗം സംഭവസ്ഥലത്ത് തന്നെ കൊല്ലപ്പെട്ടതായും പരിക്കേറ്റവരെ ആശുപത്രിയിലേക്ക് മാറ്റിയതായും യമന്‍ അധികൃതര്‍ പറഞ്ഞു. അന്ത്രാഷ്ട്ര നിയമലംഘനമാണ് ഇവിടെ നടന്നതെന്നും യമന്‍ അധികൃതര്‍ ആരോപിച്ചു.