റിയാദ്: യമനില്‍ മെഡിക്കല്‍ സംഘത്തെ ലക്ഷ്യമാക്കി വിമതവിഭാഗമായ ഹൂതികള്‍ നടത്തിയ ആക്രമണത്തില്‍ പാരാമെഡിക്കല്‍ സംഘത്തിലെ ഒരാള്‍ കൊല്ലപ്പെടുകയും മൂന്നുപേര്‍ക്ക് പരുക്കേല്‍ക്കുകയും ചെയ്തു. ഖോഖ അല്‍ മുഖയില്‍ ദുരിതാശ്വാസ പ്രവര്‍ത്തനത്തിനു പോവുകയായിരുന്ന സംഘത്തിനുനേരെയാണ് ഹൂതികള്‍ റോക്കറ്റാക്രമണം നടത്തിയത്.
ആക്രമണത്തില്‍ വാഹനം പൂര്‍ണമായി തകരുകയും ഒരു പാരാമെഡിക്കല്‍ അംഗം സംഭവസ്ഥലത്തു തന്നെ കൊല്ലപ്പെട്ടതായും പരുക്കേറ്റവരെ ആശുപത്രിയിലേക്കു മാറ്റിയതായും യമന്‍ അധികൃതര്‍ അറിയിച്ചു. അന്താരാഷ്ട്ര നിയമലംഘനമാണ് ഇവിടെ നടന്നതെന്ന് യമന്‍ അധികൃതര്‍ ആരോപിച്ചു.