ഹരിപ്പാട്: പുതുക്കിപ്പണിത കരുവാറ്റാ ശ്രീവിനായകന്‍ ചുണ്ടന്‍ കരുവാറ്റാ കുറ്റിത്തറകടവില്‍ നീരണിഞ്ഞു. സംസ്ഥാന വിനോദ സഞ്ചാര വകുപ്പ് ഗ്രാന്റായി അനുവദിച്ച ഒന്‍പത് ലക്ഷം രൂപയടക്കം 25 ലക്ഷം രൂപ ചെലവഴിച്ചാണ് വള്ളം പുതുക്കിപണിതത്. വള്ളത്തിന്റെ അമരം മുതല്‍ വെടിത്തടി വരെ പൂര്‍ണ്ണമായും പുതുക്കി. ചങ്ങംകരി സാബു ആചാരിയുടെ നേതൃത്വത്തിലാണ് പണികള്‍ നടന്നത്. നീരണിയല്‍ ചടങ്ങിന്റെ ഉദ്ഘാടനം ആര്‍.കെ കുറുപ്പ് നിര്‍വ്വഹിച്ചു.
കെ.ആര്‍ രാജന്‍ അദ്ധ്യക്ഷനായി. കെ ശ്രീധരന്‍ നായര്‍ സ്വാഗതം പറഞ്ഞു. കരുവാറ്റ പഞ്ചായത്ത് പ്രസിഡന്റ് സി സുജാത, കെ.ആര്‍ ഹരിദാസ്, ഓഹരി ഉടമകള്‍, നാട്ടുകാര്‍ എന്നിവര്‍ പങ്കെടുത്തു.