ന്യൂഡല്‍ഹി: സിറോ മലബാര്‍ സഭയുടെ അങ്കമാലി- എറണാകുളം അതിരൂപതക്ക് കീഴിലെ ഭൂമി ഇടപാടുമായി ബന്ധപ്പെട്ട് സുപ്രിംകോടതിയിലുള്ള കേസ് നാളെ പരിഗണിക്കും.
ഭൂമി ഇടപാടുമായി ബന്ധപ്പെട്ട് കര്‍ദിനാള്‍ മാര്‍ ജോര്‍ജ് ആലഞ്ചേരിക്കെതിരായ കേസിലെ നടപടിക്ക് ഹൈക്കോടതി ഡിവിഷന്‍ ബെഞ്ച് ഏര്‍പ്പെടുത്തിയ സ്‌റ്റേ നീക്കണമെന്ന് ആവശ്യപ്പെട്ട് പ്രധാന പരാതിക്കാരനായ ഷൈന്‍ വര്‍ഗീസ് നല്‍കിയ ഹരജിയാണ് സുപ്രിംകോടതി മുന്‍പാകെയുള്ളത്.
ഹൈക്കോടതി ഡിവിഷന്‍ ബെഞ്ച് ഉത്തരവിനെതിരേ മാര്‍ട്ടിന്‍ പയ്യമ്പള്ളി നല്‍കിയ ഹരജിയും കോടതി അന്ന് പരിഗണിക്കും. ജസ്റ്റിസ് എ.കെ ഗോയല്‍ അധ്യക്ഷനായ രണ്ടംഗ ബെഞ്ചാണ് കേസ് പരിഗണിക്കുക.