ന്യൂഡല്‍ഹി: കേന്ദ്രസര്‍ക്കാരിന്റെ ഭാഗത്തുനിന്നോ വിവിധ രാഷ്ട്രീയ പാര്‍ട്ടി നേതാക്കളില്‍ നിന്നോ അനുകൂലമായ ഉറപ്പുകള്‍ ലഭിച്ചാല്‍ അനിശ്ചിതകാല നിരാഹാര സമരം അവസാനിപ്പിക്കാന്‍ തയ്യാറാണെന്ന് ലഡാക്ക് ആക്ടിവിസ്റ്റ് സോനം വാങ്ചുക്ക്. തന്റെ ആവശ്യങ്ങള്‍ അടങ്ങിയ പോസ്റ്റ് അദ്ദേഹം എക്സിലൂടെ (X) പങ്കുവച്ചു. നിലവില്‍ ആശുപത്രിയില്‍ പ്രവേശിപ്പിക്കപ്പെട്ടിരിക്കുന്ന തനിക്ക് സഞ്ചരിക്കാനോ ആശയവിനിമയം നടത്താനോ അനുവാദമില്ലെന്നും അദ്ദേഹം ആരോപിച്ചു.

നീറ്റ് ചോര്‍ച്ചയടക്കമുള്ള പരീക്ഷാ തട്ടിപ്പുകളുടെ ഉത്തരവാദിത്തം കേന്ദ്ര ഭരണകൂടം ഏറ്റെടുക്കുകയോ പാര്‍ലമെന്റിന് മുന്നിലെത്തി സമരം ചെയ്യുന്ന സി.ജെ.പി നേതാക്കള്‍ക്കും തനിക്കും ഈ വിഷയം പാര്‍ലമെന്റില്‍ ഉന്നയിക്കുമെന്ന് എം.പിമാര്‍ ഉറപ്പ് നല്‍കുകയോ ചെയ്യണം. അല്ലെങ്കില്‍ തന്റെ ആരോഗ്യസ്ഥിതി പരിഗണിച്ച് ജനപ്രതിനിധികള്‍ ആശുപത്രിയിലെത്തി ഈ ഉറപ്പ് നല്‍കിയാലും ജൂലൈ 20-ഓടെ സമരം അവസാനിപ്പിക്കുമെന്നാണ് വാങ്ചുക്കിന്റെ നിലപാട്.

അതേസമയം, കേന്ദ്ര വിദ്യാഭ്യാസ മന്ത്രി ധര്‍മ്മേന്ദ്ര പ്രധാന്റെ രാജി ആവശ്യപ്പെട്ട് കോക്‌റോച്ച് ജനത പാര്‍ട്ടി (CJP) നടത്തുന്ന പാര്‍ലമെന്റ് മാര്‍ച്ചിനെ തുടര്‍ന്ന് ഡല്‍ഹിയില്‍ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്. പ്രതിഷേധത്തിന് പിന്തുണയുമായി നിരവധി യുവാക്കള്‍ ജന്തര്‍ മന്തറിലേക്ക് എത്തുന്നുണ്ട്.

Climate activist Sonam Wangchuk announced that he is ready to end his hunger strike if the government takes responsibility for the NEET exam irregularities or if MPs assure to raise the issue in Parliament.