വേങ്ങര: ദേശിയപാത വികസനത്തില്‍ നിലവിലുള്ള അലൈന്‍മെന്റ് മാറ്റി ജനവാസ കേന്ദ്രത്തിലൂടെ തിരിച്ചുവിടാനുള്ള നീക്കത്തിനെതിരേ ശക്തമായ പ്രക്ഷോഭത്തിനു നേതൃത്വം നല്‍കുമെന്നു കെ.എന്‍.എ ഖാദര്‍ എം.എല്‍.എ. മണ്ഡലത്തില്‍ ഉള്‍പ്പെട്ട എ.ആര്‍ നഗര്‍ പഞ്ചായത്തില്‍ വലിയപറമ്പ് മുതല്‍ അരീത്തോട് വരെ നിലവിലുള്ള പാതയ്ക്ക് ഇരുവശവുമായി 48 മീറ്റര്‍ വീതിയില്‍ റോഡ് വികസിപ്പിക്കാന്‍ സൗകര്യം നിലവിലുണ്ട്.
ഇതു പരിഗണിക്കാതെയാണ് പുതിയ അലൈന്‍മെന്റ്. ഈ മാറ്റം പ്രദേശത്തെ ജനപ്രതിനിധികളെയോ പഞ്ചായത്ത് അധികൃതരെയോ അറിയിച്ചിട്ടില്ല. ഈ നീക്കത്തില്‍നിന്നു പിന്‍മാറണമെന്നും അദ്ദേഹം ആവശ്യപ്പെട്ടു.