പൊഴുതന: കേരളത്തിലെ മുസ്്‌ലിം സമുദായത്തിന് ആത്മീയമായും സാംസ്‌കാരികമായും ദിശാബോധം നല്‍കിയ സംഘശക്തിയാണ് സമസ്ത കേരള ജംഇയത്തുല്‍ ഉലമയെന്ന് സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍.
എസ്.കെ.എസ്.എസ്.എഫ് 12 മേഖലകളില്‍ നടത്തുന്ന അഹ്‌ലുസുന്ന ആദര്‍ശ സമ്മേളനങ്ങളുടെ ജില്ലാതല ഉദ്ഘാടനം പൊഴുതന ആറാംമൈലില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.
മതപരവും സാംസ്‌കാരികവുമായ പുരോഗതി കേരളത്തില്‍ സാധ്യമായത് പണ്ഡിതന്‍മാര്‍ക്ക് പിന്നില്‍ സമുദായം അണിനിരന്നത് കൊണ്ടാണ്.
വൈത്തിരി മേഖലാ പ്രസിഡന്റ് സിദ്ദീഖ് റഹ്മാനി അധ്യക്ഷനായി. മുസ്തഫ അശ്‌റഫി കക്കുപ്പടി മുഖ്യപ്രഭാഷണം നടത്തി. ഷൗക്കത്തലി വെള്ളമുണ്ട, മുഹ്‌യുദ്ദീന്‍കുട്ടി യമാനി, അയ്യൂബ് മുട്ടില്‍, നൗഫല്‍ വാകേരി, സാജിദ് മൗലവി, ശംസീര്‍ ഫൈസി, കെ. അലി മാസ്റ്റര്‍, അബൂബക്കര്‍ ബാഖവി സംസാരിച്ചു. അബ്ദുല്‍ ലത്തീഫ് വാഫി സ്വാഗതവും സ്വാദിഖ് ഫൈസി നന്ദിയും പറഞ്ഞു.