കോഴിക്കോട്: കോഴിക്കോട് ലുലു മാളിലെ പ്രാര്‍ഥന മുറിയില്‍ നിന്നും കൈകുഞ്ഞിന്റെ സ്വര്‍ണമാല കവര്‍ന്ന കേസില്‍ ദമ്പതികള്‍ പിടിയില്‍. കാസര്‍ഗോഡ് തൃക്കരിപ്പൂര്‍ സ്വദേശി ഫസലുല്‍ റഹ്മാനും, ഭാര്യ ഷാഹിനയുമാണ് പൊലിസിന്റെ പിടിയിലായത്. കുഞ്ഞിന്റെ മാല മോഷ്ടിച്ചതിന് പിന്നാലെ ഇരുവരും ട്രെയിനില്‍ രക്ഷപ്പെടുകയായിരുന്നെന്ന് പൊലിസ് പറഞ്ഞു.

മാളിലെ സിസിടിവി ദൃശ്യങ്ങളില്‍ നിന്നാണ് പ്രതികളെ കുറിച്ചുള്ള സൂചന പൊലിസിന് ലഭിച്ചത്. തുടര്‍ന്ന് നടത്തിയ അന്വേഷണത്തില്‍ കാസര്‍ഗോഡ് പടന്നയില്‍ വെച്ചാണ് കോഴിക്കോട് സിറ്റി പൊലിസും ക്രൈം സ്‌ക്വാഡും ഇരുവരെയും അറസ്റ്റ് ചെയ്തത്.

police arrested couples from kasargod who stole  Kids gold necklace  from Lulumal Kozhikode