ഉദുമ: പരവനടുക്കം ചില്‍ഡ്രന്‍സ് ഹോമില്‍ നിന്ന് പതിമൂന്നുകാരനെ കാണാതായതായി പരാതി. തൃക്കരിപ്പൂര്‍ പൂച്ചോല്‍ മമ്മൂഞ്ഞി ക്വാര്‍ട്ടേഴ്‌സിലെ ശരീഫിന്റെ മകന്‍ മുഹമ്മദ് അന്‍സാറിനെയാണ് വ്യാഴാഴ്ച വൈകിട്ട് ആറരയക്ക് ശേഷം ചില്‍ഡ്രന്‍സ് ഹോമില്‍ നിന്നും അപ്രത്യക്ഷമായത്. കളികഴിഞ്ഞ ശേഷം വസ്ത്രങ്ങള്‍ എടുക്കാന്‍ പുറത്ത് പോയതായിരുന്നു. രണ്ട് മാസം മുമ്പും സമാനമായ സംഭവം ഇവിടെയുണ്ടായിരുന്നു. സംഭവത്തില്‍ ചില്‍ഡ്രന്‍സ് ഹോം സൂപ്രണ്ട് ഇന്‍ചാര്‍ജ് അബൂബക്കര്‍ ടൗണ്‍ പൊലിസില്‍ പരാതി നല്‍കി. പൊലിസ് കേസെടുത്ത് അന്വേഷണമാരംഭിച്ചു.